Proverb
Panauk
Lessons from our culture
Acingh masa thuzawh loh
A tai masa phak zawh loh
Ahang bei leh ahang om
Makai khat bei leh makai dang piang
Aikua han (tap kual han)
Thunei mi nih tuisia nek ciang in hanpan lukhawm guh la in, tua sungah sahang ha leh meihol tui diah in siampi pa in amawhpa tungah sahang peh lupding, sihsia asihding, amawhlo pa kilat khiat nading in phuisam a, thu khen zum pan tuisia nek ngeina om bang in akiciam mite thu "thu awpna" suaksak hi.
Aiman bang
Tuahphain adeih a ngah.
Aimit deh bang
Aisa amit sukham leng adap dide bangin gamlum lialua pen tha khat dai khipkhep.
Aisa api phei pai ano zong phei pai
Pianna nute mah kisun.
Aisa bang a guh tung nun
Asunglam lungsim hoihta leh apualam gamtat kampau akhauhte. (Mi thadah guhzawte kicihna in zong kizang)
Aisa kop bang
Nadangte nih ciang kop khat in kisim a, dawi biakna in aisa akizat ciang li kop khat in kisim.
Aisa lo ngel a zol
Na khat peuh ngah nop man aut theih nading na khat tawh khem.
Aitui dawn, luangkham
Thunei mi nih tuisia nek ciang in hanpan lukhawm guh la in, tua sungah sahang ha leh meihol tui diah in siampi pa in amawhpa tungah
Ak gia kawi bang
Ak giakawi etlawm napi, sing leh thu ah akgia bng akawite kizang thei lo
Ak gilgap bang
Ak midang inn avagiakte gilgap bang kici hi. Inn thudonlo a, tuahna tenga giakte ak gilgap bang kici
Ak ihmu bang
Khua phawk baih cihna
Ak in acil ne bek
Aklui akigeh ciangin acil kinesak hi. Mi khat in ama tanau naihuai sungah angsung thei in ahuaiham ciangin, kilawmlo mahmah cih gennopna hi.
Ak kiho bang
Ak kiho ginglo bangin, mihing zong agei ate telloh a kihuaute genna.
Ak lui khuangtah ci a akpi khuanglei
Pasal te thupi gen laitak a, zite in akuplei pen akpi khuang bangin akimuh khak hun om thei.
Ak op ek zah
Akek akilawm zah sang tamzawk mah bangin vai khat peuh kilawmzah sang atamzaw thute uang genna in kizang.
Ak op tuak khia sangak tuak
Ak-op atuak khiat ciang kuakek a, sangak in aom na thei in, atuahsiat bangin, mihing zong khat vei sun paikhia pen tuahsia thei cihna
Ak taang hon bang
Phek sunga ann kipho ak in amuh ciangin hamphatna kituhteh in hon a kul bangin, hamphatna kituhteh akulciang nasemte kicin lahna gentehna
Ak taang tawm bang
Ak in taangtang khatkhat in atop mah bangin kam kiselna, kampau amalmal akitangtawm a dawnna gentehna
Akbang a muh tawm ne
Nisim azon tawm tawh anungta.
Akeek kawi nuihsan
Gilo selua a thupi lo khat nak nuih mahmah.
Akeek lawng ngam, suangtat saat ngam
Bangmah thei lopi a sep ngam pong mawkna
Akgeh puksi ding bang
Damlo in azawngkhaal.
Akgia sawn kaitot
Zomite tungnun kidemna ngeina sugnah galman sakapte in athah amat simna in gal amat zah sawnkai bawl, ngaltang amat zah sawntan bawl, sakhi amat zah akgia bawl in alu tungah suang.
Akgual bangin vaak heihei
Akgual in alawmte azahtak bangin, mihing zong akhangual lakah maingal lote pawl genna
Akgul mu bang
Ak in gul amuh ciangin lau, mihingte zong zahtak huaite mai ah gulmu bang denden thei.
Akhau enlo, aitang en
Thaang khau en masa lo a, anntah bek a en vasate a awk mah bangin athu en masalo a, hamphat nading bek aente awk thei cihna
Akkhum suakta bang
Akikhum cip ak, kikhak khia leh lungdam in kawkek/ khuang a, sangak in azak ciangin, amat theih bangin, mihingte zong suahtakna zat khialh alauhuaina gennopna hi.
Akno si zong paulap bang
Sihna, supna a om ciang ahang zong tawmleng akno si nangawn paulap baang na kici hi.
Akno tui kia bang
Mihing zawngkhalte genna
Akpi khuan hangin khuavak lo
Numei thu in thu lian kivaihawm zo ngeilo cihna
Akpi khuangin zawl gaihil
Akhuang ding hilopi akpi a khuan ciangin kihilna nei
Akpi leiphiat zong nuamtuam
Huan sungah akpi leiphiatna hangin noptuamna them khat aom mah bangin, cih mawh hun a them khat kihuh
Akpi lungsim zong baan lo
Akpi in leiphiat in amuh ante nelo in atate nesak masa a, anote ahihsak om leh atha neihzah tawh hon in, zan in akhalum nuai ah uap/ koih hi. Mihingte in a tate avakna, akhoina lam ah akpi lungsim a banlo ki om thei cihna
Akpi nawi hawm
Nawi neilo akpi in leiphiat in anawi tangin a note an aneeksak bangin neihlelam kicinglo napi Ulenau khualetui sunga midangte adingin adeihsak mihoihte genna.
Akpi ta pha bang
Akpi
Akta duh gawl, lawh kikhup
Akpi huaiham la in lawh sunga ann lakah aom nop manin lawh kilik in akhup bangin huaiham luatna suplawh thei.
Akta mang kuan ki tutu
Akte aci man ding ciang amau teng mah aki tuktuk bangin mihingte zong innkuan sung, pawlpi sung, khua sungah kitotna atam ciang kiamsukna, supna baina in zom thei.
Aktaang thai bang
Phek sunga taang kipho, ak in akham anek khit ciangin aphiatgawp bangin mihing zong khat vei peuh annkhing kham in gilvah leh akial thei nawn loding bangin gamta kha thei.
Aktaang tu bang
Nasep khat peuh nawhsep cihna
Aktaw phunphun bang
Kimanna om khollo a paupau te aktaw phun bang kici.
Aktuam man bang
Pute inn pan aktuam kiman in, tua ak atui ciangin pute kikholh kika, pute in atute thupha pia in, thupha laakna lim lahkhiatna
Aktui bang a dawm
Aktui pen kitam baih in dopkul mah bangin mihing zong siat nang baihin dopkul (Aktui abu ah ziinling leh dahin keuh nawnlo thei, mihing zong akdah bangin piangthei ahiman kidawm ding cihna)
Aktui mong leh zang khe tot
Na akitel thei lote genna
Aktui mong leh zang khekhap kikhen theilo
Aktui mong zon theih loh bangin pasal paktatte gamtatna zong kikan theilo.
Aktui suam leh sila suam
Aktui la leng keuh man lo in ak kineilo, si-la that leng na sem ding omlo ahiman aneite sepna leh kiamna kipatna
Aktui sung a om avom, akang ding ki thei khol lo
Mailam apiang ding thugen kholh theih omlo cihna.
Alam om a, ane om
Mikhat' lamsa midangte in nekpih, pasal khat in akhang sunga alamsa atheih kholhloh in a mo leh atate in zeek thei
Amte kigensia
Gensiat khempeuh sia kimlo cihna
An gautang
Leengla khat in ann nek khit phet in innteek te nusia pah lo.
Ann din sagih leh tuga om
Annkham pikpeek a neekding deihna uang genna. (Ann tampi ne un, huan minsa dintan sagih om a, abei leh zong ih khawh lai nading tuga om hi ci a genna)
Ann min ngak lah bang
Gil kial mahmah leh ann minhak diak tawh akibat mah bangin, mailam nasep nop thute genkakna
Ann nek hak hing thei
Thusia bilh siazaw sem thei
Ann nekhawm, tuidawn khawm
Ki pum khat ki thutuak cihna
Ann ngak lah pha, thungak lah pha lo
Ann nekbaih man in khialhna omlo napi, thu ngaklahna hangin khialhna om thei
Ann paa la a, pa kaai
Nek ding ann bat laklak, alohlah ciangin to kai kul.
Annkhing suan so sadiak
Thusia satsah siadiak cihna
Anno in khe daang hua
Anno lak leh taangpo tungah phenvak loding cihna
Anno in sikgin ngai
An a no lai phung vuh ngai cihna
Annphul tan leh mei sumit
Meikuang lua in annphul a mei a sumit bangin, gamtatna khengval lua in siatna piangsak cihna
Apheitung a sasem
Pheitung sasem elng ki atkhak mah bangin huaiham leh thuman lohnate genna
Asi masa puantuam tang
Tanglai in puan kineilo a, mi asihciang tanu haitawi te'n sihtuamna puan pia hamtang hi. Misi innkuan pihte'n zong misi puan ding vaihawmsak hamtang ahiman, asite ahampha zaw dah agen kamzat ahihi..
Atee khempeuh kham hilo
Ahoih khempeuh manpha kimlo.
Atong ngai tong ahau ngai hau
Lunggulhna bangin kitangtun cihna
Atum te'n kumkua tum, akikemte kim thum kikem zolo
Nidang phu kilak hun in phu la nuampa in kum kua dong sawm cinten a, alaknop mite kum thum na ngawn kikem zolo cihna
Azawng ann lim thei lo
Ann lim ne ngeilo cihna
Azawng in aneih sialsa
Mizawng ten atha sial cihna
Baa-tan sa zong kiteenpih thei
Kau in mikhat ne in a valh ciang, tua mi pumpi ngen tawh khuhin abaa neel sam atansak ciangin, akau baanel sam kitan hi. Kau nei hi cih thei napi'n tenpih veve cihna. (Papi khat in lawm ngai-in a zi hehlua ahiman a pasal lawm ngaihnu athah tangin a baa vatan sakin azi ciahnapi, azipi mah tenpih veve cihna)
Baak tawh kibang
Baak in khe li nei a, vasa bangin leeng thei hi. Mitung a kizat ciang kop leh kai thuah adik zul kawikawi te cihna hi a, dinmun kician nei lote tung kizang hi.
Baak vat bang
Diang ngeingai a manlah cihna
Baak vatkhiat bang
Baak vatkhia leng kiban na nei loin lei kideen na bangin, zalian khat zakiat genna
Baal nek in ne
Ann dang i nek ciang ut bangin kipheng sawk mawk lonapi, baal pen kuang sunga kilui ih duh bangin teelin kine ahiman sa leh ann nuamtak khamtak a nek ciagin baalneek in ne kici hi.
Baalteh tunga tui sun bang
Baalteh tungah tui ih sun ciangin abang omlo in ataal bangin, thu hoih thupha hilhhilh napi azui lote genna
Baibek zingtho bang
Kipuahlo sam ling thelthal in milak ah pai
Bang kua sung thu vathang a khai
Innkuan sungthu immlo a genthaang cihna, baangkua tung santak vathang kici a, tua mun a khai tawh agenteh khawm hi.
Bang kua zuphel thawlsa, gatang thawl lo
Zulesa tawh thu kimkhawma, kilasa mo nuakik te thu akigen ciang thu taw patna kizang
Bawm sia leh patmuu
Bawmsia sungah patmuu kikhoih leh kialo in aom theih bangin teeksia khat in numei no khat a teenpi ciangin, gentehna hi.
Bawmta galsuak
Nungak in alawmpa sangin azawl tuah bawm tapa angaih zawk ciangin tangvalpa adingin a bawmta gal suak.
Bawng nuak bang
Athu ala genlo a omcipna pen bawngnuak tawh kibang cihna
Bawng zawng khal tho in bawm
Cina azawngkhal pen thusia tuamtuam in abehpal ciangin bawng zawngkhal tho in abop tawh kigenteh hi.
Bawngin aho ngai
Bawng in anampih angaih bangin mi nampihte kingai
Beel aguan peuh zu, niik nuai peuh su
Zubeel akiguan peuh khum leh khumlo sitkul loin zumah ahihbangin niiknuai pen su hilel cihna
Beelgong heek leh thei vatuk
Zubeel agong heek hangin asung azu khum thei zawsop a, vasa tuk bang theigah zong akhum pen hi thei zawsop hi. Mihing zong amelsiat hangin ciimzaw, gina zaw thei cihna
Beelhawm agin ngaih
Thu gensiam dakdak khat peuh asunglam ah thugil a neilo peuh na hi thei.
Beelkheng in beelta
Neihsa zuak mang hoihlo genna
Beelngak siah
Misi kha adingin a innkuanpih te in ann ahuan peuh siah tuam a, hun khat ciangin phutuah na gal aih sa aihna aneih khit ciangin akhasuak ta hi cih um uh ahihmanin beelngak siah nawnlo hi. Asite kha na ngawn aansiah nuam ahimah bangin anungta laite ann kuang um khawm ding thupi asakna thu agen khawmna hi.
Beeltaw heeng paih ngeina
Nupa kipal gulh kimak ngeina
Beelto leh khuaisawk
Zuhawm leh khuaisawk in nekha hamtangin hampha cihna
Behiang kum in kum sia
Tunkha ni 29 aphak kum li hal in behiang kum kici a, tua kum in tuahsiatna tam thei ci
Beli thok nawn gah zaw
Beli apaak masa te pulhkhin a, apaak kikte agah theihzawk mah bangin zi matate sang zi nungtate khuasuak zaw thei
Beloi paak bang
Beloi paak apulh bangin thuvai hawm khat peuhpeuh atangtun loh ciangin ih thu beloi paak ei kici hi.
Biang vaitung bang
Lungdam in ciak ngeingai genna
Bilkim khuai leh lukhap khen (Kimpih khuai leh lukhap khen)
Nucia pacia pha tate sih le sih na hang anu pa kikhen pen ana bel hi cihna
Bilngong (bengngong) zaksap za
Zasap cih pen zakbat lohna cihna hi. Bil ngong te in zake'n teh ihcih tata za zawsop thei cihna hi.
Bilpi leh sumkuang bang
Ataihat bilpi pen, tai hatlo napi akhawl lo sum kuangin azawh mah bangin thahatna sangin kuhkal asepna in matut na hizaw cihna
Bnagkua kanzah gatang thawl
Inntek te leh thutuamtuam gen ahawh lenglate akipan tangval zawlhelte thugente zong athu kituak thei, thukim thei cihna hi. Thu kisung khempeuh kinial lo.
Boih in ka meisua hen ci
in azutzut leh tom semsem
Bokthok kawlta lah
Bokthok pua in kawl lal ding pai a, teeng zolo in ciahkik agen nopna
Bokthok sunga om siinggaw taak in athahna peello
Siing in angeina apeel lo, mihing in azong satsa ngeina khat peel lo.
Buhvui ataksa te kun
Mipil mi ginate kiniam khiat thei zaw
Bui aphakkuan a tawp
Nasep khat peuhpeuh matun kopi atawp cihna (kuhkal lo cihna)
Buipi leikei
in zong khua ngai
Buipi suang zual tuak bang
Bui in akua atawh ciang suang zual tuak leh tozo nawn loin, amundang akhel kul.
Buitaw holh a holh
Adeih khat angah mateng gen thithe cihna
Bul kilok lo dawn kilok
Abul athupi zaw mite buailo napi nautang mawkmawk te buaina pan thupi masalo.
Bul leh baal neilo
Thucian lopi a gente cihna
Bum leh na ah om kei un
Bum leh na ah om leng eitung hong tu thei
Bungle beng a ta
Khualzin ding kinawh thawite cihna
Ci Ci tavak
Ci ci in ata vakvak in agol ciang api ne, a hoih nasep pen asia tawh thuk cihna
Ci nana sih phuut, veih paipai ek phuut
Asia apian ma in apianzia ding kimu khol cihna
Ciah kuan baal em
Ciahkuan baalem pen nawh satak ki em ahiman atungtham bek minin asung minlo bangin vaihawmna zong lopthop vaihawm in, thumin lopi vaihawm na kiplo cihna
Ciamnuih galsuak
Ciamnuih gensiam lote in mi hehna piangsak kha thei, kiheh suah thei
Ciampal tuak bang
Nana lopi a sivat te dawite thangzak ciam sikkha hiding hi ci
Ciang tang ek atha om tuanlo
Azawng pen ten zong ciangkang ne tuanlo ahiman zahpih ding kuamah om tuan lo
Ciangkot leh man khawng kituak
Mualciang, saciang leh thawng bawl nading kituak, sasiah nading mualciang hoih cihna
Ciangsia leh numei sia khek ngeina
Ciang, lawhcihte asiat leh akikhek bangin numei ginalo zong kima cihna
Ciikpi tawh kibang
Agim namsia in asi zongin thopi na ngawn abopnop loh ciikpi bangin mihing zong asihni na ngawn kuamah in a uap nop loh om thei
Ciimna gaih lah, haina liau lah
A ciimte thu tawh nungta a, ahaite ahaina thuak lawh
Ciimnuai a sa kibak, Geeltui ah kithuk
Lungdamna siamna mangngilh loin kithuk kik, hehna zong mangngilh loin kithik kik cihna. (Tangthu ah Ciimnuai khua alalding ciangin sa kibaka, asabah pen sa hilo in suangtum kibak hi. Ciimnuai pan Geeltui khua simin thuk kik hi. Geeltui ah Thang Ho leh Lian Do teenga, Lian Do zimin Neih Tong hi. Thang Ho la sungah hibang in kiciam teh hi. # Ninun naalgua bang hong hahta e Geeltui a nibang ka lun hi e ... # Geeltui kaam kei aw sa vunghvungh e, khua thang vaai i nangta lah ing e ...Thang Ho te Geeltui pan in Suangpi gam Cingkual leh tuikawi ah teenga, Cingkual ah ateenlai ahaipi po leh, lolai ah Thang Ho te khi kici Paal va khi agial zilh zelh te tunai in lolaihna ah kimu thei lai hi. Thang Ho asih in, Dimpi hankeen ah kivui a, tudong in Naulakte in tua han zanglai hi. Thang Ho lu pen golin seengbeem cia pha a, Hatlang te Pau Zel' ne Ciang Dim in mulai hi ci-in kiciing hi.
Cikpi lam kanlah a si
Sepzawh loh kisihpih cihna
Cil thehlo in sialung tang kihual theilo, dawn to lo in thu kigen thei lo
Thupi gen ciang zubeel angkuah kawm in kigen bek cihna
Cilsiat sa kivalk kik thei lo
Asia nawlkhinsa khat peuhpeuh kilakik ngeilo
Cingh lose lua, abeel a but
Phalloh man a piak ngawh namte cihna
Cit thuh hak, khasiat thuhnop
Hoihna thuk zolo, siatna thuk khoplo
Dahpa khuang nei bang
Dahpa in dawi nupi khuang angah ciangin hauhna lam leh thadahna lam ah aminthang bangin mi nuamsate dahpa khuang nei bang kici
Dahpa lo khawh
Sepsa sep loh suak kik cihna
Dahpa taptung kalh
Nasep hunlo laitak athanuam bangin sema, nasep hun ciang semlo, sepding semlo, seploh ding sem cihna
Dai akeel ta zong hong zolo
Dai a keel na ngawn hong zolo a kinei, kawl tungzo
Dai deek banga vanpi ataw phen
Daideek in vanpi zah pihin ataw phen a, daideek om na keekin aden bangin Pasian a thusim lohna alauhuai zia genna
Daipaam khua zalo
Thu zahakte ko na
Daipaam vutkhu
Inntuan daipaamte in bangmah neilo cihna
Daktang ngaih bang
Dakkop khat sungah khat tang ngaih leh kihual nawnlo, thu vaihawmna ah khat atangpil hang kizang thei tuanlo
Dawi khialh lutkik, Sih khialh luang in sawng
Dawithoih zehphit kithoih kik thei, sihni zeksak tangkhial leeng mawh phel nading om thei nawn lo a, sih lawh
Dawi miman bang
Dawi in mi amat ciang alawmte mawhsiat, mawhna khat kikan leh alawmte amawhsiat te genna
Deeklam tuktum zong galsuak thei
Kinaipih i it pen zong galsuak thei
Deihteel vak thei
Nungak tangval tenpih ding deihteel luate val thei
Dial teengta in pangmai atu zong thu dong
Dial teeng tate in apu apa thudong, asisa zong dong lai, pulepa thupisak cihna
Dial teengta in, kum thum in aleiba phullo
Dial teeng tate in ahehna phul pahlo, mangngilhlo cihna
Dimgual zawh
Lel khin napi, kamtung nung nuam veve
Din sangtut nuamzaw, tutsang lup nuam zaw
Nopsak pen genna
Dinsa thugen nawhsa thu kimanglo
Thupi genna ah dinsa in gen loding cihna
Dongcin leng la bang
Dongcin aleng latna ah aciah ding ciangin meilah de sa in sangkil ah, inntek te ho pihpih in ameilah tumin dekik ngiat kici hi. Hawhna ciahna ah kilawm kituak in gamta ding, ciah hun ciah phat in ciahding cihna hi.
Doptawn leh zawl tholh
Inn luang lupna khuam khanglam a khin leh innmun khanglam atuah pen luangin tuak thei cih upna
Duh leh phaak ki
im mawh
Duh selua, vom kikang koih
Vompi bangin duh selua deih selua, aduhlo, adeihlo bangin kikang koih cihna
Duhhop samal man
Sawng bengte lakah kihel lo napi sa amatciangun avapai leh sawng sahawm ngeina bangin samal ngah pa bangin kilawm khollo napi ahong kipia nate
Duhlam bansau, duh omna leh ngaih omna kiban lah lo
Duh leh deih omna kiphalah lo cihna
Dungdung dangdang sa
Gamtat khua hekna ah nawhtat lua in ging lialua cihna (Kitawng, kisel in kilaina ging lialua ong cihna hi)
Ek lom ek tuksuah bang
Ek lom in a nasep sialek atuak suah bangin nasep zakiatna, za taanna a om ciang gentehna a kizang
Ek tam lua vok in gailo
Thu saulua mi'n ngai zo lo
Ek teh tut phah bang
Ekteh te ding leh mi'n muding ahiman zumsel na in atutcip bangin mi muhloh ding zumhuai nate selcip cihna
Eng Ciang Sial kop gosa zong nuakik kom kimta pasal sagih nei zong nuakik
Eng Ciang in tapa neilo a, a pasal in sialkop gawh pihin a pasal asih ciang nuakik. Saizang Thawmte Mang Sum in azi Kom Koim tawh tapa sagih nei a, a om kawlnuthep dawi numei siam in sial hau mahmah napi, a meigong in aom ciangin, innbuk nuai ah anungsang zuankik hi kici hi. Numei pasal khat angak kei leh alungmuang zo ngeilo cihna. "Kimuan luat ding hilo" cihna zong ahihi.
Ensawn bei
En ding tuan omlo in kikim dimdiam a ngah cihna
Ensawn bei mawh
Mikim in midangte tungah a enzawk om a, enna bei thei lo
Ga-hah buak bang
Puak zuazua anuihna khengval lua te gentehna
Gal Kuang tan'sak
Ton leh han, taang za aih sial kop gawh te tungah tung nun ki dem na hi a, Zomi te lak ah Saizang Mang Sum nau pa Sawm Sing bek in gal kuang tan' zo ki ci hi. ( Pu Thang Tuan)
Gal Ngam leh Hang Sai bang
Lawmta kikhawl sungthu kihilhlo a kidap kihtak gentehna
Gal Ngam thaltang neih bang
Haulo napi aneihsun kisak theihpihte genna
Gal a hang gal a si, tui a hang tui a si, thu a hang thu a si
Ih kivakna ciat sihpih, min siatpih, min thanpih cihna
Gal a mei de pheiphung tu
Gam lapi athu om khat ei tung hong tu thei.
Gal beng tuah sia, Sabeng tuah sia
Gallu le salu mualsuah nuam a gamkuan, atuah siat ciangin, amau luang pham in kipua aciah cihna
Gal gum, gal a si
Ki thukhual sakna tawh galte hu in i gup hangin amau gal in hong mu veve a, galte khut lum mah tawh kisi hi.
Gal kihtak, gal baih thei
Haksa ding ci a min ngaploh pen abaih pen suak thei.
Gal tai galin phawng
Galkihta a tai, abukna ah galmah in phawng leuleu, lungmuanna omlo cihna\
Gallu kihta gallu tuak
Akihtak galte apelhna lam ah kituak. Thusia pelh nuam thusia mah tuak kipelhzo tuanlo cihna
Galman nailo galvan hawm
Tedim khua ah Kam Hau hong liat ciangin Meitei leeng mangpa Sanaputi in agalkapte tawh hong simsuk uh a, Kam Hau zi sulu ding leh asai'ha la ding kituh khol liang hi. Akisim taktak ciangin Kam Hau in zogawp in Tapei tui Suaklu pan tai giatna ah suangtum golpi khat gamgi dingin vaphut giap hi. Galzo in hong ciah ciangin Tedim khuapi ah gal hong ai a, Kam Hau zi Ciin Ngul in hih bangin la phuak hi. "Zang hui sai leh lia kasak duang do ta'n sa bang hawm khawm ee .... Na awi nam aw zin aw e, alawm nam aw, gual aw e ..." Meitei te in ann guai hong puak meitei bevom khaici tu dongin kinei a Kam Hau in malgam a, kial tun ciangin i minam pih Vaiphei mite lasuk in, tuate hong ken patkol leh muipei tu dongin kinei hi. (Pu Thang Tuan)
Galphawn kuanleh matut kuan
Nasep zawh kuan thasan diakin kinawhsep cihna
Galsim mawh haksa thei
Thu khat peuh eisim mawh bawlte haksa thei
Galte bepal kituh
Singam dinga kipia napi ann ngolh ding lau
Gam a sa, za ii sa
Gamsa aneituam omlo, aman zo peuh ading
Gan a leihak salo, anung zuih haksa
Gan akep haksa cihna
Gang ki muang a gang in buan
ih muan te mah ki lel thei cih na.
Gang kimuang a gang in buan
Ih muante mah kilel thei cihna
Gangpil leh Uipil kiman zolo
Deihbang in kizang theilo
Ganno leh anntehh
Ganno pen zantaak ann in kizang theilo
Gataam tang khat in kawlden na
Thu khat khialh na hangin uk pua ah hawl khia.
Gataam thuk sangin, khuai zu in tho man zaw
Kam khawh sangin kam khum, kam zol in mi lungsim zo zaw.
Gatang kai, gatang ki seh
Thu gen na ah gatang kikhin a thu kigen, man kiseh cih na.
Gatang sial lei ba loh Gatang sial lei sa)
Gatang sial lei ki ci kimawl na a khiin theih manin a sial lei ba loh ahih man a min gatang sial lei ba loh na ki ci hi.
Gatang zakaih
Pu leh pa tang thu, khang thu kisut, thu zaupi kigen cih na.
Gataw khah bang
Ga siat na kuang taw hong khia leng tui pai khia biahbiah thei in tui kang baih mah bangin sum leh pai zat na liau te cih na.
Gataw khak bang
Gasiat na kuang taw khak bit leng tui pailo pah bangin, thu pai pi khat khawl vat cih na.
Gen Siat tawh ki teng thei
Gi-na sa loin a gen siatsiat tawh ki teeng. (Pu Khawl Cin a tang val lai in Pi Vung Khua Vial pen neu in a hi phiei phiei pen, hih nu tawh ki teengin ih mai ah pai sak phiei phiei leng ci-in a ko ko pen ten pih Gilpi leh sa khau
Gen tut pih bang
Ci na veh , sih gal na ah dai khip khep a om bangin mihon om na ah dai khip khep a om ciang a gen teh na.
Gilpi leh pa teh hen
Kham zah sang tam zaw ne cih na.
Gilpi leh sakhau
Gilpi leh sakhau-ah ih guan zahzah ta thei; nem-in tam ta cihna
Gip zong leh khuai zong ki tuak
Deih ki bang lo na pi, a sep nop ki bang a ki khawl thei.
Git ta tuk tun
Mi khawh sa tawh tuk tun pen git ta tuk tun tawh ki gen teh. Tuk tun sung teng om, tawm vei a gai cih na zong hi.
Gua leh sing ki gawi bang
Minam khat leh khat ki gawi pen genteh na.
Guah sia ga hawng zial, guah sia pang cing dok, guah sia baal pang khawng
Gakeek khit a guah zu pen sawt vei zu lua a, sing cih ding om lo in a pang peek cing sa dok a khul, guah ciin sungin baal beem khat a neih teng huanhuan in gai cih na.
Guapi kui tung paak tawng thei
Guapi kui tung ki sat mang leh a dawn thak om thei lo, mi pil mi lian khat a thu a la kuitung mahmah ta leh a ta te a tute in a mah ban zolo thei.
Guh sia gen ngah
A sih khit ciang in a tat siat na a git loh na ki gen kikkik.
Guh sia lei hak
Nu mei man piak nai loh te a sih ciang man piak ding vai hawm na khi tui nap tui tawh thu gen thuvai hawm na ahih man haksa cih na.
Gui sin bangin na tang zong in
Gul pen khai leng mam mahmah a, a sin zong sin khem peuh lak ah khai leng mam mahmah, tang mahmah na pi, gui lung sim nei veve hi. Thu a tang mahmah na pi, gui lung sim nei veve hi. Thu a tang mahmah a, a genteng sungah gul lung sim bang a nei om veve cih na
Gul a tum si lo, mi a tum si lo
Gul lei sung ah a tum leh a kua ki to in ki that ngei lo, mi hing iri khialh na khat hangin turn a hong thum leh khial teh ci loin ki mai sak na gen na.
Gul a turn si, mi a turn si lo
Inn sung ah gul hongtum nak leh ki that, mi hong turn hang ki that lo.
Gul hik cil get
Nasep na ah ci tak phin cil cih na•Zomite Zia Leh Zat
Gul in ka mei hong siik hen la, ken to leng ci
Mawh na ki zon nop na leh ki siat thuk nop na.
Gultuk thuak leng gui gu ki thei
Thuak hak thu hak sa te in pil na hong pia .
Gumgua tang in sai lung tang hual
Tui om lo in sai lung tang a ki hual theih loh bangin nek leh dawn om zek lo in ki gual nuam thei 1o.
Gun pi luang in mang Wang luang kua taai
Damdam aluang gunpi in mihing luang kua tai a, tui neu te sangin a fiat zawk bangin , mi lian te in them khat a pau khiat a sep khiat pen na lian pi suak thei cih na.
Guta delh kul loh in tai
Ki swan tak na nei te a mah leh amah ki hem khia cih na.
Guta suat khialh leh mei ma phual seem
Mei ma nai ki pan tun a nat na leh gu to suat khialh a hoih het loh gen kak na.
Hai min a sung khauh
Kam pau zol mahmah a lung sim khauh te gen na.
Hakai Luphum bang
Hakai tawh ciangin a lu ki phum kik pen a mai kum ciang ki to kik zel bangin, mai lam a ding kikhual na.
Hakai pah tak lung heng, Sim Sing deih luat a lai heng:Tanu pah tak zawl gai
Lam et bang lo cih na.
Hal sa a sun bang
Liau in bei hathat cih na.
Hal sung tui sun bang
Piakpiak hang piak bang lo,huhhuh hang huh bang lo.
Han phata ci ngei lo, tui pi dim let ngei to
Sih-na bei cih om ngei lo, mihing an ne nawn lo cih om ho cih na.
Hang Kim thau mang
Hang kim a thau mang Han Thuk ngawh a, a ngawh khialh man in khualeh gam sungah ki do piang.
Hang kai ki zen
Hun lo phat lo a na sem te cih na.
Hangta khua sa bah
Gal kilem na ding thugen in a pai ngam pa Tong Ciin ki ci hi. Tong Ciin pa a pai ding ciangin akhua zangin zu lawh dongin sa gawh in zu leh sa a kham anek khit ciang pai sak a, tua pen Hangta khua sa bah ki ci..
Hanthawn ek teh
Mi hanthawn napi a man bang mah ginat na nei lo, mei dawi ki sa in lau lua in a ek na ngawn teh.
Hau sa sialmei let
Makai hi na pi a mite sep ding bek muang a a ma mite sep sialpi cia pen a ma sep sial mei let tawh gen teh na; Na sep na ah zawn sep cih na.
Hau sa thu nial khua lal lawh
Teng ngam lo in lal khia cih na.
Hauh an nek leh hawm thawhan nek
Pawl bawl na annek piik peek zia a om mah bangin sa leh an nek na in ngei na nei in, tel leh ziak tawh neek na, zupan, maisot angkhak a nek ngei na leh zia te gen na.
Hausa a gal van pha
Hausa tak pi hi lo a tha dah man apau lap zong.
Hausa gual ah Si' bang
U lean te hau sa te mai ah pilvang tak in om ding cih na.
Hausa in a guizui, that in a gui zui
Ham ciam zawh thu hi khin lo cih na.
Hausa khual zin bang
Zindo na ci tuak, sa-gawh tuak zah bawl na ngah te
Hausa leh pakai
Hausa leh hong huh thei ding mi te biak bawl, zah tak bawl.
Hausa thu leh naupang thu in ki ta
Hausa kih tak man a thu ki mang a, nau pang a kah ding ut loll man a thu ki mang.
Hausa tui ciin paih
Tui ciin tun lai in tui kiam na ding mihing a paih bang in Hausa in a ma thu tawh a ma tangin a sila leh a sal te a piak khiat te.
Hausa ziak in kuang zawn ban / tui kuang ban
Khat hang in mi tam pi nuam tuam, cih na.
Hausa' gual in mual mong mei kai inn am pih
Hausa takpi hi lo a tha dah man a pau lap zong.
Hawm sem nungta, huai ham puk si
A cing te mi dang in huh kik a, a cil te, a khan sia te ham sia semsem; A cingh te'n nuntak lawh a, a khan sia ten sih lawh.
Heh leh dah in kung nei
Heh na, sih na ki bang ciat ta leh a inn kuan pih te ki bul sak zaw cih na.
Hiang gam la sang inn veng ki mang zaw
Veng te thupitna a gen na.
Hikpi cip khap zong nuam tuam
Gil kial mahmah lai tak nek ding them neng khat neih a nop tuam zia gen na.
Holsa tui buah bang
Dang tak tui duh lai tak tui dawn genteh na. Sik sek na ding hol ki hal a tui buak leng tui tam pi bei.
Huih mut bang
Bei mang pak cih na.
Huih mut ding zong phal to
Hawm thawh lua, it lua, keem lua.
Huih nung bang
Thahat, man lang mahmah na pi sawt lo a bei pah thu te.
Humpi gil kial in a ta dom in a gik pen ne
Kial ciang thu ki khual zolo.
Humpi gil kial piau net bak
Humpi in saman zo nawn lo in a gil kial luat ciang piau nel a veih pek in ne, MiLian zah tak huai hi ngei na pi a nuntak na hun nu nung lam ci-mawh thei te gen teh na.
Humpi laang a, mu san leh sang ak zong laang
Tung siah a Han zawte gam tat bangin nautang te zong gam ta cih na. (A lian zawte pau tah ci a, a neu te zong pau lei cih na).
Ih khawh lai zong ngak buang hi ye hang
Piak nop a leengla te khoh na.
Ih lung sim bang ki gen khia
Kam gen pen ih lung sim cih na.
Ih mu tak te san in ih mu khem te phot hak zaw
A thei lo taktak te sang in, a thei ki neih te hilh hak zaw.
Ih mumu a zung zaw
Ci na lo buang ih mu mu a lum lum te pen a thadah a zung zaw cih na hi.
Ih mumu zawn phuut
Ih mumu te hau ngei lo .
Ih thu beloi paak
Beloi paak pha mahmah na pi pulh kik a, gah a neih loh bang in bang mah a tang tun lo te gen na.
Ik ah zong nam to
Nek leh dawn ngah na a hi a, piakna zong a cih tham lote gen na.
Inn gua hah to gam gua hah
Ei sung puah lo zun lo in midangte puah in zun na cih na hi. (A leh lam ah, ni dangin gam lak ah, lo tui ah gua phung ki nei a, a kihah kei leh kisat sak mang thei ahih man kihah taw a, inn gua pen huang sunga om ahih man hah ta kei leh kua man sat sak lo hi. Tua hi-in, inn gua hah man ta kei leh gam gua hah kul ham tang cih na hi.
Inn hat inn mong thei
Inn hal pen gam tat sia pen hi a, i bawl bangin ei tung hong tung thei inn mong thei cih na.
Inn ka lup bang
Tuah siat na ding mun lo pi a . ei ngaihsut khialhna a tuah khak te gen na. Inn ka ki lup puak lialua na nuam lo.
Inn mong vai hawm bang
Thu hoih gen om loin, inn mong te neih sa teng hawm thang ding bek ki gen.
Inn nuai phel leh ta nu khak
Inn thak lam kik ding ciangin, a lui ki nuaiphel a, ki bei lawh phot hi. Tanu o i khak ciangin to leh ta deih na hi a sa ki gawh in ki sup lawh phot hi. Mai lam phat tuam na ding khual na in ki gim pih masa cih na hi.
Inn nuai sit Ida tawm in tong guaih man deih
Mi dang a ding nasep themkhat peuh nangawn tha man deih.
Inn tuah zi su bang ding
Inn luah zi ki niam khiat in nuam leh khua leh tui a ding nuam ding cih na.
Inn tung ki deeng sim
Tuah phat na ding a hawi simte in a deih tuam mite a zotsim ciangin "inn tung ki deeng sim ki ci hi.
Inn veng si, lo veng si phawk
Gam la pi a om U leh Nau sangin sih ni, dah ni, dong tuah ni-in veeng leh paam phawk in ki ban zo ham tang cih na.
Ka kha ka tam ci lo, (ka nung ka ma ci to)
Asia, apha dot na dawng kik nuam lo te, khual nei lo in nusia vingveng cih na.
Ka kha mahmah tum kei
Nong gen thu te hong sang thei vet keng.
Ka nau kah neh, nu' nawi goih
Tate ki sang zing lua te gen na.
Ka ni-te a teh ang zo
Ka nuntak hun a nunung lam hi zo.
Ka nuai yang leh lut nuam ing
Mai zum mahmah na pen, mi muh loh na a bu nuam liang.
Ka sanggam khat khual na'n ka gaal sawm to ning
Thu khual luat na sup na cih na.
Ka sip dii dee, ka hah kil kel
Simbu in zan leh sun in a mit si bangin a om hangin a tawn tung in khua phawk in kiging tawn tung cih na.
Kaam sia leh lei ngam ki tuak
Kam siat ciang tuah siat na ding na om khol lei ngam cih pen mi tungah liau sum lak ding cik zia lo cih na hi a kam siat ciang mi ngong tat tawh ki tuak.
Kam in sapi guh khim, tak in ek sai to
Kam pau uang mahmah, a taktak in ginat na nei lo.
Kam in zawh lah neilo
Kiphat masa lo ding cih na hi.
Kam khialh leh veih teh
Khial pak, mai zum pih pak.
Kam pau dak tal ging bang
Kam in lelh nei lo, tak in lah bang mah hi lo cih na.
Kam siam in siat na seel
Thugen siam na in, mawh na te seel zo thei.
Kam siam ngai dah omlo, Lam phei tawn dah omlo
Kam siam zak nop a, lam phei tot nuam hi.
Kam siam sial lei sang, kam siat sial liau
Kam siam in sial lei ba mai sak zo a, kam sia in sial liau lawh.
Kang lai zong a lawm te laam na ah laam leii
Kang lai bangin lawm leh gual gam tat zia zui cih na.
Kau nei ki sung sia
Midang ten bang mah gen to kei leh a hoih loh na ki phawk a ki suang cih na.
Kau pi-in a sih na ding be hiang kung zuan
•Kaupi na ngawn in a sih na ding mun a teel bangin mi hing te zong sih na ding mun a teel tuam na om thei.
Kawk mun bang to om lo
A hoihpen zong a siat ding zongin sit leeng, ahoih loh na ki mu veve.
Kawl a hoih, Zo ah zong hoih
Mi hoih te mun khempeuh ah hoih cih na.
Kawl a phu-thaam zo ah la
A ki sai lops mi dangte tungah heh phulna, phu laak na.
Kawl a tai, khuam taw veel om lo
Zomi te kawl lal in teeng zolo a khuam taw vel man to a ciah kik pah (Khuam taw khek man lo ) cih na. Tu hun ciang kawl ah ki teeng zaw in taih inn peuh ki lam ahih man khuam taw ki vel ngei lo cih kik ding hi ta hi.
Kawl gal, tual gal khen lo
Gal kido na sungah mi nam pih ahi zongin gal ahih nak leh tual sung mi hi ki ci thei lo.
Kawl hawh ui kol keng
Kam tawh gen lo in a lung sim ngaih sut tawm tawh gal ka mat leh ci-in ui kol keng.
Kawl kai suan
Kawl kai gui a ki suan ciangin lei thamah ki phum leh a tak om zaw hi. Thu dangte ah zulh sep na te kawl kai suan tawh gen teh na.
Kawl mang thu ak pi'n phiat nelh
U lian te thu pi vai hawm na khatpen, thu gi na lo khat peuh hangin bei kik thei. Vai hawm na sau vei ki mang lo cihna.
Kawl nii gal khol
Kawl nii khua a sim dingin hong kuan gal to kih ta lo lua in a kulh sung ah lut saksak in a ki do taktak ciang gal te in zo mang zaw ahih man, thu leh la tua bang namte kawl nii gal khol ki ci hi.
Kawl sang vaaksa zotung kah kik
Kawl a teeng a phung zi suak dingin an tawh ki vaak sa te zong teeng zolo in kham tung kah kik cih na.
Kawl zawng nai puan in ki zem
Nai puan to zaw ahih man ki khual na hi zaw cih nop na hi.
Kawl zong tuidam in ki ho
Kawl te ki hawh in a kileng lat uh ciang niang phan tawh lengla ki do uh hi. Ei Zomi te ni dangin ki lenglat ciang zubeel tungno khat ki lup in leengla ki do hi. Zu beel lup ding neih loh ciang piak theih khat peuh ki pia in kawl zong tui dam in kiho ci hang ee ci-in kamsiam a i zat ahi hi.
Kawl, a zo zaw tawh pawl
A kih tak a gual zo ding ahih leh pawl bawl siam cih na.
Kawlgit inn thak lawm
Kawlgit in bi-inn thak nuam tuamin bu a bawl bangin mihing zong na a thak khat peuhpeuh ki lawp, ki pak ta.
Kawlgit suluk
Theih sa thu khat zong sang suak, hih thi the nuam.
Kawlte ngahli kham bang
Kawite'ncih pen hoih sa to in thu clam bawl uh a, kua mah in ngahli ci nawn lo ding ci uh hi. Khat pa in ngahli ka cih nawn taak leh Ngahli mah ci veve a kawl te ngahli kham bang ci paunak I nei hi. A khamteng mah in zeli phi masa.
Kawm in zong bil nei
Thu mawk genlo ding, ki za baih lua cih na.
Keel lu leh tern tapusuah ( Keel luphum ki dawk)
Hihte in " Amau keel mang gu-in hong ngawh veh aw, hong pusuak sin aw" a cih leh inn sung pan "Keel lu leh temta hong pusuah in e" ci. Thusim ki pholak.
Keel luphum ki dawk
Keel gu in, a lu huan leng hong ki thei kha leh ci-in a phum leh ki mu zaw, ih zuau sel hang ki lang veve cih na.
Keel tal ki si bang
Keeltal a ki sik ciangin a lutang na ngawn a dop zawh non loh bangin, mihing zong a kiheh ciangin a pumpi na ngawn a khual zo nawn lo Jiang te.
Keel than sing bang
Keel in lung no a huat pen hi a, a Lung a than a om ciangin ki pei-in a sin bangin mihing zong tua bang hun om thei.
Keel zawng khal, gan zawng khal inn sung turn
Ih zawng khal ciang in kih tak, zah tak khual zo nawn lo-in U leh nau beh leh phung sung ah turn in huh na ki ngen.
Kei leh phalbi zgau ngei to
Phalbi a tun hun a man bangin thu man hing cih nop na.
Ken ko bang a pua neel
Kung nam khat ken ko ki ci a, a hawng neel in tuam a a sung khauh pen mihing pua neel leh lung sim sung a khauh te gen na.
Kha kham vei a si
Lungzuang khua ngai lua in ki si thei.
Kha kham vei lawh
Thu khat peuh hangin, lung leeng, tha nem, anleh tui zong ne zo lo te kha kham vei ki ci.
Kha vaak lu bulh bang
Lawki up na ah, kau neite zan in a kha vak khia in a lu tang khuai mu in leng in mi ne thei, sa leh an omte zong ne thei hi, a siah kik ciangin a pumpi ah a lu a bulh kik hi a, a vak khiat kal in a pum pi hei sim sak leng a lu ki bulh thei non lo in si suak hi ci-in up na pan a piang hih tuak hi.
Khai kha a gui ah gah
Hoih na hi to leh siat na hita leh pian na gui mah ki sun cih na.
Kham eek zang gam tung
Khamtung mite'n ngun leh kham bang a a neih lei hoih teng zang gam tung.
Khan Thuam tai ding zong Baal zang twang za lei tha za-in vat
Mailam gamtat na ding khual na in to ni a sep ding te sep awl tuan ho, Khan Thuam in a geel na seel sim na.
Khan gual bawl in ki sia lo, ei leh ei bawl in ki sia
I siat na te ei ma siam loh na hang hi zaw thei.
Khan in gual nei
Khan ki tuak zaw deuh teng lung sim ngaih sut na ki thu tuak zaw deuh cih na.
Khan kha mang bang
Khan kha mang in vasa namkim te mul siah in kai a, a bu ding nuam tak in a bawl nik nek bangin, mi hau mi nuam sate tawh ki gen teh na hi.
Khan kha mang zong siah kai
Tang lai pasalte in a siah khua ding sat in pawl zawn uh a siah kai hi. Siat kaih kei pat hi lo in khan kha mang pat ma sak hi ci hi.
Khat Iah ka tern, khat lah ka paii
Gup tuam, paih tuam ding om lo cih na.
Khat gawl ah khipi tang suak tuam ding hi kei
Khat guak un tuam loin hawm kim diam hoih zaw cih na.
Khat ii zun teh sawmbup in daipih
Mi khat hoih loh inn kuan sung, beh sung, mi nam sung ah ki daipih thei.
Khat slat sak sawm in sia sak, Khat phat sak sawm in pha sak
Mi khat in hong siat sak bek hi napi mi khem peuh muh na ah a sia tang a, mi khat in pha hi hong ci leh mi khempeuh muh na ah mipha ki tang thei cih na.
Khat vaang a za taii
Mikhat slam na leh hauh na hangin U leh nau, khua le tui ih gam sungah nopna piang.
Khat vei a khial lo om lo, lam pam siik khial lo om lo
Mihing a khial thei, khialhna zong sangh lo ding cih na.
Khat vei sim sing paak paak, k hat veei zo sing paak zel
nop sak na, hauh na, zawn na te a hun zui-in ki khelkhel thei lel cih na.
Khatvei kawl va suah
Mun khat ah va lengla in, maithak ngah cihna
Khau sau lua ki kai awk
Thu sau lua mi in ngai zo lo.
Khawl Khawl tung baih om ngei lo
Mailam thu ding ngaih sun lo, sem lo te'n ma tun ngei lo.
Khawl nang thei lo the thei tawh tag nua uai, ttawh tag nuai ah taam tut in khawl
Mihing a piang peuhmah khawl na ding leh belh ding inn nei lo liangin ki om lo cih na.
Khenuai mei kat leh neu lawm ngaih
Lawm ngaih cil pen khenuai mei kat tawh a nat dan genteh na.
Khi tangciak leh sial long tangciak
lawm leh gual tawh ki thu hual thei lo te cih na.
Khua dak kuam ah Perm Khup ta-lah
Khua leh gam teen na ding zai pi a om hangin thu khat peuh hang tawh teen na ding mun ngah zolo, khua leh tui lak ah a to zolo mi om thei cih na.
Khua hun leh tui luang in mi ngak ngei to
Kua mah ngak lo a pai ngei-in pai cih na.
Khua nung theih leh sa nua kap
A hun lap lo cih na hi. (Ki man na om nawn lo)
Khua phelep van ging sak
Van gin ma in khua phelep ih muh bangin, thu khat peuh a pian ma-in alim kimu khol thei.
Khua pi guah lap lah leh pa' phu lak lah
Khuapi guah lap lo pen kum ki veng let na a sep hang in zawng veve a, pa' phu lak lah pen mi phaklahna-in ki ngaihsun hi cih na.
Khua pi guah zu nung in lo zong ken
hun lap in na sem in cih na.
Khua sat leh sai-ai
Zomi te'n khuasat leh sai man tung nung nan a ciap teh mah bangin haksa a sak uh a hi hi.
Khua sia men de bang
A ki cian tak a gen theih loh thute gentehna.
Khua siang masa lo in khuang ki turn mawh gal man lo in sawn teel ki tan mawh
Inn tuan cil khat in, inn sian suah na sa khat ai masa to in a inn ah khuang tum theih na ding Zo ngei na in phal na pia lo hi. Gal man te leh a ai te lo buangin, gal mat sim na sawn tan theih na ding Zo ngei na in phal lo hi.
Khua sung thu kong pi a khai
Thu sia thu pha ip ding leh gen ding khen lo in genthang cih na.
Khua ta kiphasak leh beel ta phul
Beel ta pen phul in kang baih a, khua ta ki phasak zong bei pah thei cih na.
Khua tat tat, hau ngei to
Khua lal kawikawi te kip an thak den suak a, van gil nei thei lo.
Khua ul kai to in an ki ne lo
Sep loh-in an ki ne lo a, nakpi in sem leng khua ul kai in tampi ki nei-in tampi kine thei cih na.
Khuado ni zingin zi zong ke'n
Pawipi hun ciang nungak te kipuah in hioh ciat uh a kikhial thei cihna.
Khuai gip mek bang
Thu khat peuhpeuh eima deihna bangin hei-in zawi kaih na.
Khuai kai khemipeuh in zu nei kim lo
Muh na leh zak na bangin, thu tak hi kim lo.
Khuai khau khun bang
Khuaipi keen a kai te a ki at ding ciangin keen lu pan khau saupi ki khia suk masa a keen nuai pan, khet phirn khen toto in khuai zu leh khuai nun haksapi in a ki lak bangin thu leh vai khat peuhpeuh a ki hawm ciangin, thu khung masa, geel masa, tua ciangin sem cih na hi.
Khuai lal leh zo sial phual (phual - selsim)
Sial gute in sial go in a guh teng lei sungah phum mengmeng a gam lumna pen khuai lal tawh gen teh na.
Khuai mu zu zong zu, s zu, sang ak sa zonng sa
Zu khum lo leh sa lim lo nek na mun ah a gi na kei zongin zu mah sa mah hi cih na.
Khuai vai tung bang
Nasem a tung leh a kuan ki pha mat cih na.
Khuang leh Sial ki bang
Kituak lianlian cih na.
Khuapi dal kua pha, mi, mihing mihing gu al kuaa pha, thupi kawi kua pha
Thu leh vai khat peuhpeuh muh na nam kua pha thei a, mi hing te nun tak na zong a sang a niam gual kua pha thei ahih man thuluan vai Tian hawm na ah thu tawh pat na in hih pau nak ki zang hi.
Khuapi guah zu ding in ni kua tawng masa
Khuapi guah zu ding ni kua van nim masa mah bangin thu Tian thu thak sep ding a om ciang vai hawm masa cih na.
Khuapi guah zu ding leh nupi sul vang sa
Khuapi guah zu ding a ki theih kholh mah bangin nupi nau paai zong nau suak ding cih ki thei khol ahih man kiging khol ding cih na.
Khuapi guah zu leh lian zaw ta ku vau
Khuapi guah zu ding, keek kia in thawn masa a, lian zaw tate zong athu ala ki ko masa, thawng masa.
Khuapi guah zu satang hal
Khuapi guah zu hen han in ni tang pah in guah zuk nung ah satang na ngawn ki hal thei cih na.
Khup Thang kawl hawh bang
A muh bangin a gen kik thei la te cih na hi.
Khut khat khai, khe khat khai bang
Sep na bawl na ki thu tuak gen na.
Khut ma ngilh mawh
Mi khat a sep sa a khut ma ciam teh in thei gige cih na.
Khut ning neih manpha
A nung ciang a nek ding a slit laite hi a, a ki sap mahmah hun ciang man pha cih na hi.
Khut tung lam leh bang
Ki khel ki lum let mengmeng cihna. ( Thu ki khel pahpah cih na)
Ki buan nai lo, ki kal sung khawh
Ki buan nai to a, a lawmpa kal kawm tuan pah, thu ki kum dingin ki pan phet in ki tawng khol, kilang pan khol masa pah pen a et lawm loh na gen na.
Ki gui Ink
Thu sim nei-in ki theih siam na cih na.
Ki kau si phum
Kausi in khua mial sungah meiki de pen bawh in a sih pih bangin, thu khat peuh hang in kua ma sawl lohpi a ki phum tawm te gen na.
Ki keel ki mahmah
A ki leh bulh thu leh late gen na.
Ki sakhi bell
Sakhi te nam khat hi napi a mau leh amau leh nau a hih lam ki thei lo bangin, mi hing zong tua bang om thei cih na.
Ki si kha muh
Ki mu zal in ki man suah kik pah te cih na.
Ki-ak gual khen
Ak u nau ki khen ki mu kik non lo, lawm leh gual, u nau zong ki-it ki ngai pipi mah in ki ak gual khen thei hi.
Ki-ui tui
Uitui pen khu to-in hawp vat leng a sat mah mah bangin khat leh khat tawm vei ki thu teak bek te ki uitui ki ci a, a ki khen ciangin uitui buak suah zong ki ci hi.
Ki-uita veh
Upi in a note it-in veh a, a neite vai tong leh dawn in a mei peek hang na pi, bang mah a piak loh bangin, piak ding nei ta kei leh ki veh cih na.
Kiak pi si mawh, nukik si mawh
Tuk lai kiak pi ih bawh khiat hang a sih theih loh leh, zi ma to te a it thei to nu kik te, zi ma tate a ding a huat huai dan gen na, zi ma tate a ding a huat huai dan gen na
Kial han leh zawn han
Kial lua, zawng lua in maizum khual zo nawn lo a hang san agam tat na cih na.
Kii an ne bang
Kii in khateh hau lua, khateh haute kii an ne tawh teh kak na.
Kii khua hawh, kii nek ne, zawng khua hawh zawng nek ne
A mun leh zawn leh hauh tawh ki sai in an ki ne. A mun zui in a phual teng tegam tat, nek bangbang nek kul.
Kii tui ne bang
Git ta in tui lam sial dingin ldi cial a kuan nuam lo in ka ne kei ding hi ci hi. Kii in thei lam sial leuleu a git ta a cial leh kuan nuam lo in ka ne kei ding hi ci hi. Amau nih ki ciam in kii in tui na nek leh si in la, gitta in thei a nek leh si ci-in ki ciam hi.Tuahangin kii in tui ne leh si ki ci hi.
Kom kim bangin nung leh ma sutuah
Nung leh ma ki lem sak lo te gen teh na.
Kom kim in tapa sagih nei a nuakik hi
Saizang Hausa Mang Sum zi Kom Kim in a pasal si, a tate zong si khin ahih man, innbuk nuai ah a nung sang zuanin ciah hi. Zomite tapasal ngak lo in kip lo cih na.
Kong a Uipi daak zong nuam tuam
Sih ni dah ni-in pawl leh lawm u leh nau ki ngai cih na.
Kongpi mung cing lo in khua ki phut zo to
Khua a ki saat ding ciangin Hausa ding, Siampi ding, khuang turn ding teilek ding, sial ki turn ding, dak tumding, sik sek ding leh taang pi ding mi a kim lo in khua ki phut zolo cihna.
Kum cin tang lu tawng
Zomite in kum a sim ciangin tang laak khit pen kum cin hun in ciam teh a tang laak khat leh khat ki kal kum ki veng let ci uh hi.
Kumpi nasem leh lui a phai phung po
Lui a phaiphung po tui in a nawk nawk mah bangin kumpi na sem te zong kumpi te sawl na bangbangin thuak in sem cih na.
Kumpi, kumpi tung hawh, nautang, nautang tung hawk
Kim pih bek ki mai ngap cih na.
Kung koih, dawn kawi pha lo hi
Ei tawh ki zom a bul zaw te koih khong a, a dawn zaw te tawh ki pawl a vaihawm khop na pen hoih pai suak zo ngei to hi.
La gen thei lo la gen, thu gen thei lo thug en dai na
Mi mai-a thu leh la gen siam lopi a genpen siam loh nateng pholak na suak in mindai na suak cih na hi.
La ih cih thu hi
Tung Zang khua Naulak te Tawn Dam in a tote tungah si la pan a ki tat na ding nei to a, la dawng khat a paih leh a tote lung dam in la dawng khat tawh to ki tan zo hi. -Mual heem mim phung lun lai a sa-ngal ham aw, na vang mualpi bang Tian ee, hong sung in aw.. -Na yang mual pi bang Tian ee hong sung in aw, tuan a pupa' am bang vaih ke'n na sang ee..Tawn Dam zawng mahmah to leh la tawh thu en in ki niam khiat na tawh zawikaih siam ahih man in ladawng khat in a tote khut pan tan khia zo hi.
Laam zang thu theih
Nan tal leh Nei no thu ah, Nan tal han tual zang ah sial cing naupang te' laam na mun laam zang ki ci hi. Nei no leh Nan tal thu, Gal ngam leh Hang Sai thu, Penglam leh Dahpa thu cih te pawl thu tak lah bang phuah tawm thu lah bang thute a ki gen ciangin laam zang thu theih ki ci hi.
Lam gei thei gah min bang
A cingh a siam, zin leh leeng a do siam te lam gei thei gah min bangin mi'n nuntak pih cih na.
Lam ka Iai ding bang
Gamtat na ding nam nih teel zawk ding theih loh na lung sim.
Lam khang sik khial lo omlo
Lim tak pai hang ih ki cih hang lam khang ki sik kha ngei veve. Man ki sa te zong khial kha veve cih na.
Lam kiang a sial ta deeng kei un, sawm ii sial hi
Sial ki go leh a nei pa bek in nelo in mitampi in nekpih ding cih na.
Lam kiang a taang po it un, za taang hi
Taang zu beelpi-in a ki lup ciang in mi za in dawn hi cih na.
Lam lai ek thak bang
Mitampi in mu a hoih a sak loh gamtat na a neite pen lam lai a ek tha tawh ki bang cih na.
Lam lai niik sia sawp
Midang te thu gen zia leh gam tat zia tawh ki leh bulh a, gam tat na leh thu gen na a nei te pen lamlai niik sia sawp tawh ki bang.
Lam nai tawn nuam behiang kum kua a tung to
Kum li sim February ( Tun Kha ) ni 29 a phak behiang kum ki ci, behiang kum kua a tunglo lam dawt zui pen, a tup tung lo, lam dawt zuih khialh man in si khin zong hi kha thei cih na.
Lam paam sik khialh ding leh mit sawk ding ki thei khol lo
Tuah siat na ih cih in ei theih kholh thu hi lo zaw cih na.
Lam pai pal tui a tawp, thu pai pai Hausa a tawp
Thukhat peuhpeuh mit sak na gen na .
Lam phei tawn dah omlo, kam siam ngai dah om lo
Mi khempeuh a nop ut ciat cih na.
Lam sak thei leh lam khang thei zong ki banglo
Theih na ki kim a kisa mite zong ki bang lo thei
Lam tung leh han khuam ki tawng mawh
A niam zaw in a sang zaw kidem zolo, sih theih na ding han khuam ki keek ngam lo cih na.
Lang bawm a ek a awk
Lang bawm gah min a ne vasa no pen a ma nek sa a ek a awk bangin, mihing zong ei ma neksa, zatsa sum leh pai thu leh la ah awk thei.
Lawi gampeh bang
Lawi in gam pa a mong nek bangin an nek siam lo, tel-ieh ziak neilo a, mong nek te lawi gam tat na tawh ki bang cih na. 91
Lawi keen kia bang
Lawi keen kia gin Tian; tui duh lua nek ciangin ging sak lualua te "Lawi keen kia bang" ki ci.
Lawm ngaih masak bang omlo
A ma sa kan om lo cih na.
Lei kha mang bang a nungta
Mihau milian te nun tak zia gen na.
Lei leh ha zong ki pet kha
Ki nai pih, Id itpente tawh zong kitot kisel na om kha thei.(A ki nai a lki khawl te bek mah ki tawng thei)
Lei nuai te in nu kei mah,pa kei mah ci-in suktum kuaitan
Lei nuai te nau pang nono in a nu a pate zah taklo in suk pum a kuaih tan ban in khan note nu leh pa simmawh a ngol tol thei te gen na.
Leiba leh phat luang mang mawh
Leiba loh lah pen sing to pen phat luang mang mawh tawh gen teh na hi.
Leiba leh sakha nuai nung
Sakha in a tung lam bang zah in gawi ta leh a nuai nung veve leh leiba kigen teh hi. Zo ngei na ah sa ki gawh a salu a ki piak ciangin sakha a kithuah leh salu ba in ki ciam teh hi.
Leitang tai mawh, neih sa tai thei
Neih gil pen leitang kip a, sum leh pai van dang te sia thei rnang thei cih na hi.
Lian zaw kiam kuan sial khuk su
Lian zaw te a kiam ding ciangin sialpi khuk su bang in heh pih huai in nungta.
Liau sum tawh a hau om ngei lo
Mitung pan liau sum ne a ki hau ngei lo cih na.
Liim in tak sam, tak in him sam
Na khempeuh ah him leh tak ki thuah ngei na hi a, a ki thuah kei leh a man nei lo suak.
Liit dawk bang
Duhluat, deih luat uang gen na.
Ling gap hoih leh a tang hoih
Sunglam hoih na a pualam ki mu thei.
Ling khei khiat bang
No tuam pah in ngei na bang pah cih na.
Lo gam kawm Ich Hausa belh
Logam kawm inn kuan nuntakna, Hausa belh in khua leh tui hong but na gen na.
Lo veng a tui tawi, khual a sa siim
Tuitawi in khual ki kai lo a, sa sim in khual ki kai cih na.
Logam mit kibang, zawl mit kibanglo
Lo gam hoih pen mikim in hoih sa, mel hoih ih sak ki bang kim lo cih na.
Logam pha leh zi hoih
Lo gam pha sungah nuntak theih na an namkim om a, zi hoih sungah innkuan nuntak na omhi.
Logam thu leh numei vai in ki si ngam
I it pen a hih man nuntak na ki pia ngam cih na.
Lohong ding zawng muan huailo
Sum kem ding in mizawng te muan huai lo cih na.
Lotul slam in zong sang gam zong
Sang gam te a ding deih sak zawk na lung sim gen na.
Lozon khialh kumkhat sum, zi zon khialh khantawn sum
I lo zon khialh ki sum a, zi zon khialh nak pi ki sum zaw lai.
Lu a teek hang taw teek lo
Pu Khan Neng pen a sam kang in tek ta napi zi a deih ciang a ta ten na sam zong kang tek ta teh a cih ciang a ta te a dawn na kam hi. Khang lui ten khel nang ding na ci kiu kiau in zi deih a hih na a gen na hi.
Lu kang ding lu vom suah
Si a lutol ding kim lai hin suah cih na.
Lu sel leng taw dawk, taw set leng lu dawk
Zum huai na khat peuhpeuh ki sinsin ki liahliah ta leh a ki seel zo lo tam pi om thei cih na.
Lu sum zong, biing tawng a zom
Gal a si khat a lu gal te in tan in la-in a luang bek nu sia hi. Misi neite in tua a luang pen pua in a lutang dingin beel bing (zubeel) bulh in a kam ding vut let a Zo ngei na zutulh in a ngei na bangin ki vui hi. Tua pen lutang neilo zong zubeel (bing) tawh zom in lutang nei suah hi. Asia khat a hoih theithei in zuun cih na a hi hi.
Luai a vei khut in gam uk
Nu pi to luai a, a vei nau pang kumpi suak thei cih na.
Luang bei na ding thei lo a, ak bei na ding thei
A lian zaw sup na ding thei ho a, a neu zaw thu khat tawh ki khual khialh na.
Luk loh su id-um mawh
Hih loh khat peuh ki muang mawh, ki lam lawp cih na.
Lunglen khal-a saipi khuksu puan in leen taang khum
Lunglenkawl a sai man pa' min than na, saipi khuk su puan in leen taang khum in, sal mante minthan na gen na.
Lungme hawm bang
Lungme sisa hawm, a hing kisa, ki man na nei lo.
Lungsim siam leh tha gum hat
Mipilte lung sim tawh nungta, mihaite tha gum tawh nung ta.
Luzang keel sampo
Khang ham lukang zah tak huai te gen na.
Mai mawl sak
Mi khat thu gen, gamtat na hangin a clang te mai zum na piang sak.
Maimom taw dawh
Maimom a taw pan a khau dok leng a paipai mah bangin, thu khat peuhpeuh pan leng ki zomzom.
Maitang sing hawng belh
Mi khat tungah mawh na khialh na nei a, mai ngap lo mah mah napi pai loh a pha mawh na mun ah maitang sing hawng belh tawh ki bangin hawk in thum na, tau na te gen na.
Mak pil lua leh saili kawng khauh lua
Saili kawng khauh lua pen ngim na khak theih loh bangin mak pil lua zong deih bang ki zang thei lo.
Mak thak si leh zing guah zu
Zing guah zu a then pah theih bangin mak thak si zong sau vei lo in ki mang ngilh pah mak thak nei kik.
Makhat pangsa ma nih khen dai na
Lo mapang khawm kimlai ma khen na leh nupa kim lai ki khen nap en mindai na kingah cih na.
Man leh mual in ki hau lo
Mo man uang lak loh na ding ki hilh na.
Man nai lo a tui sui, to nai lo a khe khuang
A nu nung ding kim lai masak khialh na ding kim lai masak khialh na.
Mang a meila bang
Mang a thu pha I mang mat pen a tak hilo in mang kik.
Mang kawm bang
Thupha lah hi thei thu sia lah hi thei thu te gen na.
Mangta luangin sang
A mai mawk sangin ci-in a piak zawh zah sangin thu bei sak na.
Matut kuan leh gal phawn kuan
Ki nawh sa tak a gamtat na cih na.
Matut kuan leh sial mei peek
Sial mei tho hong in alang leh alang-ah a peek bangin matut kuan in han ciam in ki pei biang buang cih na.
Maw maw le patang in thu tang son
Mi hai te leh naupang te in thu man gen. ( Maw maw thu tang son)
Mawh lawh tawi
Mawh kisalo thu ki tuh te thu khen zum pan a lel te mawh lawh tawi kici.
Mawng in a peemna suan
Mawng kung no sing ka a po pen a peer hi a, a gol ciang a sing a suan bangin mihing zong peemta te khangin khua sat te suan thei cih na.
Meel sia kheel theih loh gam tat sia kheel theih
A ki kheel theigam tat sia a hoih a kheel ding ha na.
Mei am sik khak leh neu lawm ngaih
Neu lawm ngaih a nat na, mei am sik khak nat tawh gen teh na.
Mei dawi leh sazuk han
Sazuk in sin kha nei lo ahih manin mei dawi a, a liat hangin kih tak huai lo cih na.
Mei gong a tate a nusiat ciangin taitai, Akpi a huk ciangin a note tutu
Ki nungak sak nuam cih na.
Mei khu Tian zuan
Ganpi ki gawh na ah mei khu Tian in ui leh mi hai ten zuan hi.
Mei khuut a ki ciam
Kam tai leh lai tai kul lo in mei khuut in ki ciam in thu ki theih sak na.
Mei kuang pai suak
An huan ding nei 10 in thuk tungah beel ki suang ahih man mei kuang pai suak zawn leh ngau gen na
Mei leh tui ki hua bek, U nail pats ki hua ngei lo
A ki hua dingte ki hua a, a ki hualo ding te ki hua ngei lo. hua dingte ki hua a, a ki hualo ding te ki hua ngei lo.
Mei ma a mit taw
Mei ma om na san in khua phawk lo a, ki hong khial thei zel.
Mei ma dam sa ham kik na zaw
Thusia lasia khat a hoih ta kim lai, hong sia kik leh a bei sa sang sia zaw thei cih na.
Mei ma lo ah tho to to
Genban na om lo in, ki gen lo.
Mei-am mut leeng kuang, mei kuang mut leeng mit
Thu khatpeuh kin luat man a hoih a om rnah bangin kin luat man a sia ong om thei zaw sop hi.
Meigong lung leh sazanta
Zan a ta sate kim leh pam lau na ngaih sun lo in a gamtat bangin mei gong in khual nei lo.
Meigong zi neih khel nan na
A kern a khoi ding cih na.
Meigong zi zon
Deih teel selo in ngah bangbang lungkim cih na.
Meii awng kal-a nisa leh numei gi lo
Meii awng kal-a ni sa pen, tawm vei sa mahmah na pi, meii in a liah kik pah bangin, numei gilo zong thuak hak mahmah ta leh, tawm vei sung bek hi thei cih na.
Meii kai masa to in guah zulo
Thu khat om ma salo in a piang khia omlo.
Meiipi kung mai-ah ki vialh loh in ngal lak taang khang zolo
Guah tui a tam mahmah ciang bekin ngal lak taang te'n tui kham pan in khang zo bek cih na.
Meikang phelh na ding tui ciim ki sam lo
Ki tot kilai na phelh na dingin, thu hoih thu man gen kul masalo in phelh khit ciangin damtak in a thu gen pat ding hi zaw.
Meima dam leh phaakma dam
Mei ma dam leh a pawn om veve cih na.
Meima lo buang, a Tian ki hua to
Inn mun lo gam a lian ki deih cih na.
Meima tumn leh to, ki deih to
To deih loh pen suah tak nop na hi a, mei ma tum deih loh tawh ki bang hi.
Mi khut a gul man nuam
Ama sep nop loh khat, mi dangte sem sak nuam.
Mi pha zong gen bang
Mihoih ih cih te zong a siat na zong leng ki mu veve cih na.
Mi pi ko kei un, bum leh na ah om kei un eitung hong tu thei hi
Mi hoih loh na zah ko lo ding deih na.
Mi si kam vai khak bang
Misite'n kam a vai khak ciang thu ki zak na om kik non lo mah bangin a hing lai te vai khak napi ki zakik non lo te cih na. (Misi ding te'n kam a vai khak pen ki thu pi san in ki zui thei ham tang cih na zong hi.)
Mi sia in thu sia thei
Misia leh mipha tal tang ah ki ciam teh tuam lo a, mihoih te'n mi dang te' siat na gen nuam siat na lam bek agen te mi sia hi cih na.
Mi zawng pau leh akpi khuan
Mi zawng te thu gen ki thu si lo cih na.
Mi zi mi ta nawi meek sak, akpi si thei
Zi leh ta omsa pasal khat, mi zi mi ta tungah a khialh ciangin a ak gil sawk a, akpi a sih leh mawh na taangin akpi si hi-a ak a sih kei leh a mahmah ki suun ahih kei leh a zi a ta khat peuh suun thei cih na.
Mihon khawlh leh, leer la hauh in yang hong peak hi
A thu siam mi a khual ten leengla hau cih na.
Miim zang a lawi kai nuam
Miim khau zang no khat tawh lawi kaih bangin ol no in na lianpi sepnoh ngahnop na.
Mik si kua holh bang
Mihon om muang khat patau ling lawng in buai sak cih na.
Mik si lam pai bang
A mai a tuah teng hopih in a zia kai cih na.
Mik si leh lei kha zong lu bawk ki guang
Mihing te makai ki guan kul cih na.
Mik si lung zawng bang
A nene tawh, a tung a tuang tawh, a puapua tawh ki thuah in, a kua lam a zuat pih miksi nasep leh taang pi nasep gen teh na.
Mim phung vuh, taang phung vuh meet
An peuh mah phung vuh a hoih mah bangin mihing te zong thu hoih tawh ki pan tall leng ki khang to cih na.
Min cim bang cim cim
Siat na khat a om ciang ki zom.
Mit a nin tang lak khiat bang
Mit ah nin hong tu leh hong do in ih khi tui bang luang na pi la khia khin leng pha ziau bang mah in thuak na khat a phat ziau ciang mit a nin tu tawh genteh na hi.
Mit leh naak bang
Lopawi khawng ciang ki zing lua in khai tuh te mit leh nak bang ki ci, ki zing, ki nai cih na.
Mit sawk ding leh sum lam ding ki thei lo
Tuah siat ding leh tuah phat ding ki thei khol lo.
Mit taw leh mit taw lam ki hilh
Lau huai na mun ki tun thei cih na.
Mit taw sial khau let
A cih sa a ci teltal te cih na.
Mo gilo in a ekthak na ah thakik
Mo gi lo nua kik in a pa' inn ah omkik cih na.
Mo luai, tong luai
Mo ciah kik, a ki sap kik ciangin kampau ki dawm a, kam nem leh kam zol pau cih na.
Mo sam tuk peek
Mo sam te in ciah pih theih na ding ngakin a tuk lu kham in peek cih na. Mokaih na in a tuk ki phel gawp ta leh heh lo in lung duai na gen na)
Mong sel leh miphak' kam pau thu ciing kei un
Suan leh paak neilo te leh miphak te in mailam nuntak na ding thu saupi khual zo lo zaw deuh cih na.
Mongsel in tap sel
Suan leh paak a nei lo te mongsel ki ci a, min tap ding zong a sel a bei cih na hi.
Mothak guah ngak
Mothak in a nasep pen mi na sem in ki ngaih sun a, paulap theih zong in mual mong meii kai-inn om pih cih na.
Mothak leh sial zin
Sial zin zual pah lo in zolzol a kul, mothak zong inn teek tat pah thei lo in hilhhilh kul cih na (Muh muh sa hi na pi mo thak leh sial zin ki en nuam ham tang.)
Mothak van puak
puak ngei na sang tam zaw pua nuam tentan cih na.
Mothak zum mawh sakuang urn
Mothak in a mah khaak na sa nek ding ngei na hi lo napi, ngei na thei lo mai zumhuai lam thei lo in a mosa puak sakuang urn cih na.
Mothak zum mawh zasan kuang kai
Nidang lai-in mothak in ci nangawn meh ngam lo a, za san kuang kai ngam pen a zum huai in ki seh a, a zum thei lo mi cih na.
Mu ai san bang
Mu in van lai ah khawl in a bawh ding en lua ki sa ling seuhseuh bangin, deih khat ngah nop man ling seuhseuh zaw zen cih na.
Mu ak la bang
Tha khat gamtat na, bawh vat in a nung a ma hei nawn lo cihna.
Mu van lai in a kuam hu
Mu van lai in a sang pi panin leitung a et ciangin lira tak in mu a, mit ciim pen in a ki ciap teh bangin, mipil mi ciim te in a gam a minam a but na genteh na hi.
Mu van lai in kuam kua hu, sahang in mual kua hu, zawh ngeu khat in inn kua hu
Gam makai, khua makai veeng makai te genteh na.
Mu vanlai in a tuii khuai ngei to
Mu van lai bangin miciimte in a mite siat suah ngei lo.
Mual khawl masa teek tang
Thu leh la ah a thei mi masa zah tak ding om thei cih na.
Mual mong bang ( mual mong lung ngaih bang )
A tang tung zo pak la ding thu khat peuh lam et ngam loh te gen na.
Mual mong mei khu zong nuam tuam
Ta nau khol lo na pi mun tuam gam tuam ah ki muh ciang ki nuam tuam, lung nuam tuam cih na hi. (Gam lak mi om loh na mun ah khat guak om in a lau lai tak a gam lapi a mei khu a muh ciang mi om ding ci-in nuam tuam sa
Mual sing phuk bang
A) khua leh gam sung a mi khempeuh muan leh suan khat hong sih ciang in mi tampi thaneem na ki lang pen mual sing phuk tawh genteh na. B) Mual ah huih tam in mual sing phuk leng a puk na ding ah ki puk sak thei lo cih na hi.
Muh loh su ki lei bek
Veel phot lo-in van ki lei ngei lo cihna.
Mui zang lua khan tat, zam ngaih lua ki saai kham, pil let lua val khong thei
Na khem peuh ah a hoih bek ciang om a, a val a kan lua hoih lo cih na hi.
Mun phiah thak in nin huai lo
Makai thak, U Ilan thak khat in pawl huai thei lo cih na hi.
Mung in liang kaai
Mung pen pusa thoih na gua mung hi. Liang pen pusa thoih na sa liang hi. Tulpi pa in a thaman dingin a saliang kaih pen mungin liang kaai ki ci a, siam pi pa kaih cih na hi. Pusa in kaih nei cih na zong hi.
Muntho meiteeng bang (mei teeng thah lah bang)
Gau a nei mahmah gul nam khat meiteeng ki ci a, a gilo a thuak hak te genteh na hi.
Mupi a et kimlai, Va-ak suak
Gam lapi van ah hong len laitak in mupi dingin um mawh in, a kiang a tun ciangin va-ak a hih lel mah bangin ih thupi muh mahmah hangin om khawm taktak leng va-ak tawh ki bang thei ci na hi. I tung et khat sim mawh huai in piang thei cih na hi.
Musi in zong tawi ding bei a, sial-ek tawi
Piak ding zah leiba piak zawh loh ciang leh nu leh pa leh zah tak ding a kilawm te tungah piak ding neih loh ciangin neih peuhpeuh gina ta kei leh tawi-a thum na leh thupha lak na in a ki zang kam mal hi.
Na hai leh, sum bah in
Sum cih pen an suk na sum cih na hi. Pilloh na uang gen na hi.
Na keel luphum ki dawk ta
Zau tat na ki set sim zo lo cih na.
Na le-nuai ah cik pi ka ci deh
A pa Zau Hang in Gal Ngam tungah "Na le nuai ah cik pi ka ci deh" ci-in hong samsiat kha ning, a cih pen a ci khin a hih man in Gal Ngam in a pa Samsiat na a thuak bangin nu leh pate in zong tate tungah samsiat na kam pau peuh mah peel ding hoih cih na hi.
Na nawi nek, na ha ni-ah baang lai
Khang moi lua lai a, zi nei, pasal nei nuamte nu leh pa in a awi loh na uang gen na hi.
Na paam ah si kha cih bang
A om lo pi ki khem na hi a, up huai lo te up loh ding cih na.
Naak neilo-in tui luanglo
Pian na bul phung leh nam nei lo mi om lo cih na hi.
Naak pheh a kaih bang
Lelh man, zawh thawh thu mang, ut lo pipi zuisak teitei cih na hi.
Nabil ah ken ko ki khen hiam
Hilh na taai na za na pi a zalo bangin om a, thu mang to te cih na hi.
Nah khok, musi suak bang
Nah khok vasa nam khat te, a tui a keuh ciangin tang khat musi suak a, a pi nekik bangin, pian na nu leh pa a ne, a bawl sia te cih na hi.
Nahkia kawi in nahkia mam suang
Mi mel hoih lo te sung pan, mihoih mo pha piang thei cih na hi.
Nahtang bang a khil a om hi
Beh khat phung khat sungah ki nai pih diak om cih na hi.
Namtom hauh leh tui-ta khan
Kiam baih cih na hi.
Namtom to leh lam gei singpo
Ki sim mawh ki nawknawk deuh cih na hi.
Nau zaw ektum pua lah
Nau zaw te a mau tha tawh vai hawm zo lo, huh kul cih na hi.
Naugil paii leh thal tang pail
Sih theih na, lau huai cih na hi.
Naulai taang baan pet
Luah za nei lo, nuntak nading lung ngai cih na.
Naulak leh phih to omloh na om to
Naulak te tam cih na hi.
Naupang khuai kai hawi
Im thei lo, gengen, vilvil cih na.
Naupang khuai kai khiah
Naupang in khuai kai a khiah ciang ne pah a, tuah phat na khat peuh nek pakpak na cih na.
Naupang sil paak deih
Thu gun lo, a thak khat peuh nuam tuam sa cih na.
Naupang thu leh hausa thu-in ki taa
Hausa kih tak man a thu in ki taa, nau pang a kah ding ut loh man a thu in ki taa cih na.
Nawi gui tat bang
Nuntak zon na, khasum san na a ki pelh a om ciang, nawi ne naupang a nu a si tawh genteh.
Nawi lung han
Khangno ki tha muan; thu thei nai lo a hang san cih na.
Ne ne a pakaii
Ne ne a, a loh lah ciang tokai cih na.
Ne ne puk si omlo
Nek ding om peuh leh puk si lo.
Neek ding lah su, paih ding lah sa
A lak lawh cih na.
Neek loh ding vong gah pet
Vong gah nam tui in lirn ci a ki pet nuam hamtang, kha mahmah ahih man ki valh nuam lo hi. Na khat peuhpeuh lam lawp bang lo thei cih na.
Neh zawh thu leh ki tah zawh thu
Kuh kal tak a sep na tawh ngah lah omlo, Neh zo peuh leng nu ngak ngah lah omlo cih na.
Nek khop nuam a, puak khop zaang
Lung dam na leh phat tuam na gen na.
Nek loh buan lawh
Gimpih mahmah na pi ham phat na ngah lo cih na.
Nek na ki tang
An nek zu nek na khat peuh ah ki ciah pah lo cih na.
Nek nek leh thak thak thuah
Patkol leh taang teel bang in sum leh pai zon na ngah na te netawm beitawm in khol thei lo te cih na.
Nek sa tha lawh kial na
Nek tawm ding lei tawi pen, kial semsem ding ki pat na hi.
Nga gu buah bang
Ci na in puk khin, lung kham in lung vai khin cih na.
Nga in a tam sih pih
Ngasa tam na ah mi'n thang siah a sih pih cih na.
Nga lu lok in "Suk leng ka gam, to leng ka gam ci"
Nga lu lok a bang mi te'n mi dang te nawng kai na pia thei cih na.
Nga lulok tui nak nin sak
Ut bangin gam to in mi dang te a dingin a sia piang sak thei cih na.
Ngai nu ta zong bang
It pen te man suah a ih zonzon hang ih muh loh gen na.
Ngal Khaat in ai zung sih pih
Ngal khaat in a ki vaak na ai zung a sih pih bangin, ei mau ki vaak na ding sem in kisih pih thei cih na hi.
Ngal ha paaksa tumkik lo, Pasal pausa nung kin lo
Gensa dok kik lo, cih sa sem to ham tang cih na.
Ngal khaat bang a tang tat
Ngal khaat in a hapaak tawh bicim zang a phel khap, aki tan sak theih ciang in, a mah leh a mah ki muang a, a hon lak pan pai khia in a tangtat bangin, mihing zong a tuam a nung tate gen teh na a zat hi.
Ngal khaat leh zang sial khaat in a sul leh in lum
Lau huai na tawh ki tuah loh na ding pil yang a om ding cih na.
Ngal taak muan luat ki tan thei
Ki muang lua leng ki khial baih, ci mawh thei cih na.
Ngapi, ngasa no a ki vaak
Milian te mizawng te hang in nungta cih na.
Niik leh puan ki laih thei sang gam laih mawh
Lai gui zom sang gam a dang ki zong thei lo cih na.
Niik leh puan silh awl a, salei
Ki sap na thu don lo a, neek tawm bek-a sum zat na cih na.
Niin kih buan sung sawk
Sep nop loh penpen seploh a pha mawh thu te sep na.
Nikhat baibek thau / Ni khat sa khi thau
Ni khat zu leh sa kham in ompen sakhi thau ki ci a, a taktak in sa khi thau lua cih om ngei lo hi.
Nu hilh loh pa hilh loh, tagah bilbing
Ki hilh ngei lo in thu hoih thu pha tel thei lo cih na.
Nu kik sin bang
Nu kik neih man in tate tagah ki thuap in nu kik mai vilvil kul a, a hak sat na gen na hi.
Nu leh pa vui na lei ba ki loh lah ngei lo
Nu leh Pa kha in lung kim leh hong siam cih up na hang hi.
Nu mei gilo in a ek thak na-ah tha kik
Nu mei gilo to ma cih na.
Nu mei gual zawh, to sau gal zawh
Lo sau te gal sim in a zawh ciangin gallu ciah pih ding bek ut a, a zawh na khua te uk sawm lo uh hi. Nu mei in zong kam gual zawh suangin tung nung nuam ahih hangin, inn kuan ma kaih sawm lo uh hi.
Nu mei hangsan akpi kih ta
Kampau hang san na pi mei dawi cih na.
Nu mei hangsan sing khuah do, Pasal hang san sa liang pet
Nu mei hang san vuak thuak a, pasal hang san in siah kai cih na.
Nu mei hilh lah, sailei vel lah
Lo thak zuan ten sai lei yel kham zo kei leh an a gi nat loh mah bang in numei hilh lah leng, inn sung gi na lo cih na.
Nu mei in paal lai nei, Baal pi in to lai nei
Baalpi pen lung nek loh hun a om bangin nu mei zong pah tak, melhoih hun om cih na hi.
Nu mei in thum vei ki-um hi
Numei pasal a neih khit thum vei ciang bang ki sik thei cih na hi.
Nu mei lumlum a guh zaw
Thadah cih na.
Nu mei nawi tual sak, baa-ka sak
Pasal khat in numei khat to a neih pih khit ciangin a nawi tual sak a, a sam baa zong khen in nih in a pheek ciangin nupi sa hi cih na hi. A teen pih kei leh a bawl sia suakin a nuntak na lal sak hi cih na hi.
Nu mei nung sang zuan nuam paulap zong
A ciah nop man thu sia zong cih na.
Nu mei pu leh phaitam lam
Pasal lam bek ki thupi sak cih na hi.
Nu mei sat ngei na, zamtum ngei na
Nu mei gi lo ki sat in, zam zong turn loh in ki man na om lo.
Nu mei tha nuam a lu zol
Pumpi ki puah zo cih na.
Nu mei thu in khua lal thei
A pasal zo khua sung sia sak a hih man khua thak saat cih na.
Nu mei thu leh sial pi ki in ki lam lo
Nu mei vai hawm in ki gam ta lo cih na hi.
Nu su mu bang
Ka nu su mu ing gen kei ning a cih veve dan in ip huai thu gen khia cih na.
Nu thu mang lo, pa thu manglo a nah lawh peek lo
Nu leh pa thu mang lo te a dau pai lo cih na hi.
Nuai suk leh tonkai Id kham zong zu heel a mai
Nuai suk daak leh Ton kai daak tawh ki kham a thu ki nei te zong zuu beel tawh ki mai sak cih na hi. Nuai suk daak pen dawite tung pan ki ngah hi. Aki turn ciangin a khai na kil pan ki turn in ging suk ahih man nuai suk daak ki ci hi. Tonkai daak pen Laang Za tung pan Khan Thuam in sial za khat tawh lei hi. Tua daak geel Khan Thuam innpi ah om ki ci hi. Ni dang lai-in tua daak a nei cil te in, thu a neih uh ciangin tua daak khaamin thu ki nei uh hi. Thu Tian te Nuai suk leh Ton kai daak tawh ki khaam Jiang to leh thu dam tawh ki lem lem in zubeel khat tawh kimai sak hi. Thu lian pipi thu neu seek pen thu hoih hi.
Nuak leh gui awk a zaang
Ei ma ki bawl tawm in ki sum ki zaang cih na hi.
Numei Ciim in phung sung khuii
Numei hoih a Ciim te'n behsung ki lem sak hi.
Numei gi lo, ak ek kawi nuih san
Gilo lua ki sa in nuih huai lopi ah nui cih na.
Numei in a ma khuat, sum kuang in a lii khuat
Sum kuang pen leitung leh tui sungah nung ta khawm thei hi. Leitung ah a gamtat na pan tui a duh ciang ki tuk sakin tuilii a tun ciang in a thuk na lam khuat in nung ta hi. Numei zong nung leh ma nei-in a tun na ama inn kuan sung phung sung mai vil siam ahih ding ki deih sak na thuhilh na hi.
Numei in zawh lah nei to
Pasal citak ki sa pen na ngawn numei-in zol zo cih na hi.
Numei khat leh zu beel khat
Numei khat zi-in ngah na ding in hak salo cih na hi.
Numei khua leh sakhi khua
Sakhi in mun leh gam nei tuam lo a, numei zong pasal neih na ding mun ki thei khol lo.
Numei khual zin nek tawmzong
Min siat min dai na ding nai, (ci mawh leh ki zuak thei uh cih na )
Numei leh singka kaam to
Numei tam cih na hi a, zi hoih ding hak sa in, nu mei haksa to cih na.
Numei leh vamim khem
Na urn baih cih nop na hi. (Va mim pen sawl kawm pan a ham cing leng hong pai mah bang nu mei zong zol nop cih na)
Numei mei sak a mawh, meikhang ah ki ciam
Zum seel na in ki ciam hamtang cihna.
Numei nuakik nuam a nung a ma ling san kai
Numei ciah kik nuam in a nung leh a ma kikal ah thusia pawi-in paulap a zon pen ling san kai ki ci hi.
Numei pil lo in phung khen
Ang sung thei lua te'n mi ki Tern sak to cih na.
Numei pil lo, ak-ek kawi nuih san
Nuih huai to pi nak nuih mahmah to numei pil lo tawh gen teh na.
Numei pillo, mei kuang taipih
Om zia tat zia, mit heek thei to cih na.
Numei sial sawm khausaat sat
Numei leh pasal ki teeng dingte ki kal ah sial sawm man ding thu Tian mahmah kisiat na a om kim lai, hong ki teen uh ciangin sial sawm thu hong mit a, tua numei pen "Numei siat sawm khau saat sat" ki ci hi.
Numei tam na ah sing hon tawm
Nasep ki it, ki haza in a sem mel omlo sing cih tawm ding na ngawn nei lo cih na hi.
Numei tha cing, sial tal tha cing
Numei hoih leh sial tal Tian ki en nuam cih na hi.
Numei thadah khin tung kah sa tawp kik
Thadah lua in nasep sa zong khawl kik cih na.
Numei thadah van a mu leng mu, pasal tha dah sing Pang meet
Nu mei thal lup in khua dak koikoi cih hi a, pasal sing pang peuh met pong in ki man na om lo ci na.
Numei thu leh vok kuang dai
Vok kuang dai pen vok an piak ciang lawm thaw in ki zang thei lo, numei zong a tarn zaw lung sim dai in ki zang thei lo cih na.
Numei veih sang nung lam hei
ki suan na khat sep khak ciang khua dak cih na.
Numei yak hat sialpi lam
A khialh pih pa'n ten pih lo in sial pi tawh ma cih na.
Numei yak hat thu sia zong, pasal vak hat sum zong
Nu mei te'n thu sia za thei diak in pasal pen thu om lo pin yak khia lo cih na.
Nung lam bui mei tan, mai lam gun khau tan
Nung lam thu sang mailam thu sau zaw cih na.
Nung lam sa ki bah bang
Nunglam pan sa ki bah pen neek ngaih taktak in ki sang lo a, ki bawl siat nop na hi zaw thei cih na.
Nung lam so dawh bang
Mi hi leh sa hi leh lei dum sungah tul zum ki siat a ki phut pen "So" ki ci hi. Thukhat peuh pen nung lam so dawh ki ci hi.
Nupa ki lung tuak khua khat zo
Kilung tuak a na sep khop na in gual zawh na pia cih na.
Nupi Silngo sia zuak
Sil ngo (tol) in an nel tampi niing sak in a lawh bangin nupi te'n thusia pawi thei cih na hi.
Nupi cingh to a um a beel a khin
Cingh lo se lua zu a lup nop loh man a nau zu ha urn khiin a piak pen, ne taktak kei nanteh cih na hi. Kalzang khua ah Buansing te Hang Sum in a tu Suan Kai tagah khoi-in khan suah hi. Hang Sum zi kik Luan Niang leh Suan Kai tanu Lak Vung te pi tu zil tui a tawi na pan kisia a Hang Sum in a neih manpha teng Suan Kai a piak ngawh leh Suan Kai in Daak Vom min thang leh Kalzang khipi gui minthang pen ciah pih in tang lel hi ci-in Kalzang tangthu ah ki gelh hi.
Nupi gal gen
Nupite in thu a theih zah sangin uang zaw in beh lap in a gen khiat thu tawh lau thei tai cih na hi.
Nupi gil kial beet keek, pasal gil kial lo ma keek
Nupi ki khual na leh pasal ki khual na teh kak na hi.
Nupi lung ngai an tui so kang
A an huan lam mang ngilh cih na hi.
Nupi ui-san khin tung luh, pasal ui san gam luh
Numei in a baih sa zongin pasal in a om nai lo zong cih na.
Nupi veih sang zong nung lam hei, Buipi lei kei in zong khua ngai
Kim leh pam lung ngai khua dak cih na.
Nupi yak hat thusia zong, pasal vak hat thusim thei
Nupi in thu sia taw, pasal in galsawm , sa sawm, sumzon paai zon zia phawk cih na hi.
Om muang gal tuak
Kua ma hang hi lo tuah siat na (maw taw taih, sing bak kia) cih na.
Om mun a ngam lo, gal a ngam
Inn a mei dawi, gal sung a hang san cih na.
Om mun theih loh, tungsial a ki bia
Muh theih loh dawite, tung sial leh lira tuam tuam bawlin ki bia.
Om mun thu theih
Mi gen sawn up mawh thu gen te
Pa Khau laitai
Pa khau in lai thei lo a, a ma sih na ding lai tai in pai kawikawi hi. Tedim khua ah Kam Hau a man lai takin inn za thum pha hi. Ukpi khat in aliat ding a lau man-in Kawl tual pan in Kam Hau' inn thum vei hong hal sak hi. Tua ciangin Kham tung mite in Kawl tual sim suk in, taangsaal nola, inn lawi, bawng cih te kai to zel hi. Tua thu hangin Kawl leh Zo kilem na ding Kamtai-in Pa Khau pai sak hi. Kawlpi Hausapa in lai khat at in "Hih pa ih lawi ih bawng hong guk sak Zomi te hi, bang cih ding ih hiam" cih na lai Pa Khau pua sak in Bunglung leh Kanti hau sa te kiang ah a piak ciangin na that uh hi. Kamtai pa a tun kik non loh ciangin kilem na bawl dingin Kawl leh Zo makai teng kawl pi ah ki tuah in Zomite in ko tung ah nong khialh masak man un, phu kong la uh hi, a cih hangin , zolo ahih manin, a lut na ding a neih a lam ngen in, a nunung pen in vok a nupa leh za beel ka khat ngen lai hi. Kileem na dingin thu ciam a, Zomi te kong khialh masak uh leh Kuaitui leh luan ta hen. Kawlte nong khialh masak uh leh Kuaitui-in Kawlpi luphung (Kawlpi khua urn na kulh) sun kham suk ta hen, ci-in thu ciam in, Kawl leh Zo ki lem na bawl hi. Tua thu Khua Sak khua galhang minthang Thuam son in hih bangin la na phuak hi. - Zang ii don thang mual neen a , kuaitui luang suk tong khial zaw zaw a leh luan in ciam hang. - Zaang aw na seh loh bei sang sesum nam cin tung kawl va leh man tung lom-in ciam hang . ci-in tua hun a ki pan Kawl leh Zo ki-it na, u leh nau bangin gam tat khawm na piang hi ci-in Tedim gam tang thu ciing Mualpi hausa Pu Thang Tuan in gelh hi.
Pa paak po tuak bang
Nuam lua in tuah pha ki sak na gen na.
Pa that zong to khom guan
Ni dang in kih tak man a pa that biak bawl na mai vil na hi. Tuhun ciang mawh ki mai sak na lam ki zang hi.
Pa' tung a thang paai, a ma yang kiam na
Pa tung a thang pai te a mah yang kiam sak suak zaw cih na.
Pa' zavaat honbang
Pa' nat na a dam ding deih na tawh a ma nun tak na a lau huai na gen na .
Paak gum vul thei, paal lai vul thei
Khang no hun hoih lai tak zong ki si thei cih na.
Paang pi mun zang bek ah po
Mi pil mi siam te, sum bawl sum zuak te in a om na ding teel siam na gen na.
Paihte khua nung pit
Zomite'n a bei sa thu nung gen thei san cih na hi.
Pang pa lek bangin tung nun ki tuh
Pang pa lek pen a tung nung ding ki tuh in leeng toto a, van sang dawn pan bah in a kiat tawh gen teh in ki niam khiat nuam lo a tung nun ki tuh pen meet zawk na om lo cih na hi.
Pangli a ki koih sa zong thu ki dong
Inn kuan sung thu ki dot ding thu pit na gen na.
Pangmai lum khai, ki kih ta
Tuhun in mipil milian te in pil na leh za min mai ah a suan bangin tang lai-in pasal gal hang te in a pang mai ah galsim na luum a khai ciangin ki kih ta tuam hi.
Papi lung leeng inn leh to in kho zolo ( lung kim sak zo lo)
Zi leh ta' tung a papi lungleeng te, a inn a lo, a neih sate in kho zo lo-in pai khia mang thei.
Pasal gen ngah, inn zu gen ngah
Inn sung a om zusa te a gamtat ngei bangin gamta hi napi gen slat a ngah bangin, inn kuan sung khua sung pasal vai hawmte ki gen siasia cih na hi.
Pasal ngal tak pawn to om lo, ta khat si lo om to
Ki heh nep ciang khat guak tuah hi lo cih nop na hi.
Pasal pau peeng, a gil kial
Pasal in a vaang keem-in mi' inn ah an ne mengmeng khol lo a, sum leh pai zon na ah zong cil ahih man-in a gil kial.
Pasan sial nek bang
Pasan sial ne leng a ki sih pah mah bang, siat na, hoih na nitun cih na hi.
Pau tum lo, puan turn teen
Kam pau-in lel, tha tang hat suang cih na hi.
Pawi sum sak
Ki deek cih om lo a van zuak cih na.
Peng Lam ai kuak khok (Peng Lam' ai luum khok zong kici)
Peng Lam in a inn dingin ai nah lam a, a mah ta zolo, Peng Lam in aisa luum khok in buk in lam a, guah zuk ciang a khut me bu sak.
Peng Lam ci seel bang
Peng Lam in kua ma muh loh ding ci-in tui sung ah seel a, tui mangin sup lawh zaw cih na.
Peng Lam gaal mat bang
Penglam pen a gaal te'n a mat ciang ke'n gaal ka mat ciang hih bangin hen ing ci-in a khut kon sak in hen sak a, hun khat ciang zan ziau in tai ci hi. Ih gaal te cih bang man ding hi lo cih na.
Peng Lam nau ein bang
Peng Lam in nau cing a, a nau a kah ciangin, a zang sip phu litlit pen mei ma turn sa in khei sak in a khuak lawt a lak khiat khit teh a si pen a kap non loh ciang, a cing sa in nau cin siam kisa, theih loh na a khialh a siam ki sak khak ding hilh na.
Peng Lam sahawm bang
Peng Lam in sa man a, a tuah peuh euh sa duh maw ci-in at pahpah a, a zi a tate kiangah bang mah a tut loh bangin, sum leh pai zong thu ngaih sun lo a sum zang mang cih na.
Peng Lambeel taw heenglei bang
Peng Lam in beef taw heng lei a, a zi in beeltaw heng deih lo ahih ciangin, sial taw heng zong deih lo ding hi ci-in a sial lei a ek tha masa sa lam kal ah nu sia kici.
Peng pelep bang a aw tun lah
Peng pelep khuang in dam in pan napi nawh semsem-in aw a tut lah bangin mihing zong thu leh la nawh hawm luat pen ma tut lah na hi thei cih na.
Phalbi leh naupang ki zawl
Nau pang te puan lum guat zawh loh man a ki lung kim sak na kam.
Phalbi mangmat
Nidang lai-in puan lum gi na ki nei lo a, phalbi hun khua dam in, ih mut taktak omlo ahih manin, mang takta.k hi lo, ih ngaih sut peuh mang ki sa kha thei cih na.
Phalbi zing a khe suih khak, guah zu lai-a ek suak, ta ngeek seen lai a zi si
A nuam to pen cih na hi a, ki sam siat na in a nei thei om hi.
Phalbi zing guah zu leh inn nuai phel
Om dan a nuam to mahmah cih na hi.
Phalbi zuau ngeilo
A hun hun in phal bi a tun zel bangin mi hing ki ci tak, ki thu man sak te zat ahi hi.
Phih tu zu bang
Zu khum leh namtui a thuah te cih na hi.
Phim leh khau bang
Phim pai na khau in a zuih bangin nu leh pa leh makai te pai na zui cih na hi.
Phu la, gal phuang tang lo
Hong that te thah kik na pen phula hi a gal phuang hi to cih na.
Phulum phul bang
Mi tarn pi gamtang zia zua cih nop na.
Phulum phul nang lei kha'n petlet
Thu khat a om ciang, a pian na ding a geel khiat na vai hawm na cih nop na hi.
Phun hat leh guah ciin ki bang
A sia lua hi sam lo na pin a nuam het lo te gen na.
Pu leh zawl ki teh thei lo
Pu pen ih pian na hi a, zawl pen ei ma zon tawm theih lel hi cih na.
Pu te leh gitta in ciam masa
An pal te gitta leh vasa in a nek ma sak bangin pute ki ciam sak masa cih na hi.
Puansia thuap leh teek sia khoi
Sep na don na haksa cih na hi.
Pute leh han khuam ki tawng mawh
Sih theih na vaang nei ci-in ki gim neih, ki zah taak ahih man ki tawng ngam lo.
Pute leh lam sak ki neh zo lo
A thu pi, a sang zaw thu nei te kidem zolo cih na.
Putu ki clam, vompi hing mat
Ki thu tuak in, ciam pel lo a zawh na ngah cih na.
Putu lung tuak ki sih pih
Pu leh tu a nuntak na uh kipia ngam cih na.
Putu lung tuak sa hang in zah tak
Lung sim ki tuak te a kua a kua in zah tak cih na.
Putu sum sui mual ah suak khawm
Ki lung tuak, sa mual suah khawm cih na.
Putu teeng, aksa kham thei
Putu teeng cih pen pu in a tunu teenpih cih na hi a, ci dam thei lo ahih manin ki thoihthoih na aksa kham cih na hi.
Puuk-tawk, paa-laak bang
Puuk cih kam mal pen puuk si cih kammal pan hi. An nek ding nei nawn lo a si te puuk si ki ci hi. An neek ding nei to a mun dang ah va lei te puuk taw ki ci hi. Paa kam mat pen, lei tawi, bat laak, va puuk laak cih na hi a, khawh sa an tungah ki zang lo hi An bat lak, an leitawi, an puuk laak ki ci lo in" an paa la ki ci hi. An seu khat paa laak leng, tuk tun ciangin kiloh a, an nei pa in seu khat pen a zahzah mah tawh loh ding "Seu khat i teh ciang vuum sak ding a, a vum teng khat vei phiat khia-in, a vuum kik an seu dim leh a vuum khat kila khia teng tawh loh ding cih bangin, hong piak lai a ki ciam na bangbang in kiloh hi. A ki taw an leh paa a kila an pen a liau diak, a gai diak, a bei baih diak, a nem to diak tawh ki bang ahih manin puuk tawk, paa laak bang ki ci hi.
Sa cia khuai sawk bang
Sa cia in khuai a sawk ciangin, a mitsin sa in sawk a, a ngah peuh a zi a khak laitak-in, a tuak pa in a zi beng khia in a zi mun pan khuai zu na sang thei hi. Han ciam tak a ki ngah na khat peuhpeuh, deih na mun a tung lo te cih na hi.
Sa cia nupa bang
Pai na peuh a ki zui helhel tawntung ahih man pai na peuh a ki zui te gen na hi.
Sa khuai bang a, gual han thawn
Sa khuai cih pen khuai vah mah hi-in, a dang te sang gol zaw deuh hi. Hih sakhuai ih cih pen khuai pa hi a, zang nei lo hi. Sakhuai a tam ciangin khuai zu a tam hun hi a, khuai zong hang pha deuh hi. Khang lui hun in khuai thu ki thei kha lo ahih manin sa khuai in hanthawn in khuai hang sak hi ci-in ki ngaih sun hi. Mihing te zong lawm te hanthawn lel in bang mah a sem thei lo te cih na hi.
Sa kuang khup sa, sa kuang thal
Sagil tat sak in thu min sa khat, a siat kik ciangin sa kuang thal kici a sa gawh kik kul lo in sa gawh sa sik san in thu gen pha kik hi.
Sa zaang kap leh thu pha gen val thei
Sazaang guh kha Tian a kap pen tuk pah Tian hi. A hi zongin sazaang kap pen khak loh hun tam thei zaw hi. Tua mah bangin thu pha gen pen ki sang thei mengmeng lo in val pih zaw thei cih na hi.
Sa'sung pan than piang, an sung pan nget piang
Siat na pen ei sung pan mah ah ki pan cih na hi.
Sa, khe khap zui-in ki man, mi a kam pau zui-in ki man
Sa pen a khe khap tawh a sul a ki zuih thei bangin mihing te ih kam pau tawh ih sul hong ki zui thei cih na.
Sagil tat lo in thu kip to
Zo ngei na in thuciam na kip sak na, sial ban na, sa si luan salcna a om ciangin thu ki kip sak bek hi. Ki ciam na lai gelh in khut pi mek sangin a thu pi zaw in kisang hi.
Sagil tat sak
Thu khat vai khat a ki hawm ciangin thu khen sat na tawh sa ki go pen sagil tat ki ci hi.
Sahangin a gial zah tak
Sahangin a vaang keem a, mi lian, ten zong min leh za a vaang keem hi.
Sai sa bang
Ki nam hel keei cih na.
Saipi'n keel mawl pih leh keel in thuak zo lo
Kumpi te nautang in zo ngei lo.
Saizang slat cing mang leh Phaileeng hausa
A min a neu hang ngah na tam leh a min Tian napi ngah na tawm cih genteh na hi.
Sakhi a pisan a nosan
Pian na nu te ki sun cih na.
Sakhi bangin ni khat thau
A thau ngei lo sakhi bangin ni khat peuh zu leh sa kham pen, sakhi thau ki ci hi.
Sakhi hing matbang
Laulua in ling kelkel cih na hi.
Sakhi in atat na ding kuam kua khual
Thu ngaih sun in thu khual ding cih na hi.
Sakhi mai bang
Mel hoih lo cih na.
Sakhi tui neek, in pan leeng
Thu khat peuh a banban in a ki gen zom nop ciangin, sakhi tuineek in pan leeng ki ci hi.
Sakhi vau pack kham bang
Zu kham, an kham khua phawk lote genteh na hi.
Sakuh in a veng zah
Sakuh in a kua sung ah nuam tak in a om kawm in, a kua tual ah bang om ding cih a zah tak bangin, mihing zong inn kuan sung pan a pua ah a pai khiat ciangin ki dop tawntung kul cih na hi.
Samkhau, tuk khau phel Jiang a lei
Neih khempeuh a neu pen sam hen na leh tuk hen na khau na ngawn pai Ichia cih na. (Neih khem peuh pia).
Samul man (samal man)
Sa ben na ah, sakhat a kikap lup khit phet in, saman pa kiang a tung masa pen pa sapeng (samul matsa) ki pia hi. Tua sa leh a kappa kibuan hi leh a phual tung masa pen pa in hon masa ding cih na hi.
Sana in sa dam khawng (lawh)
Thusia la sia in a ki sai kha lo khat zong lawh thei cih na.
Sana in sa dam phawng
Sakap Liam zui-in a dam lai sate phawng.
Sang kil kan zah, gatang thol
Nupa ki kal thu sim ih theih loh om thei a, mothak khat a nuakik a kisap ciangin hong zuih a, sang kil hong kan leh a zan ciangin nupa ngei na bangin, pasal zah mawh zong thawl ahih manin, a zan ciangin kilem a sangkil kan zah gatang thawl ki ci hi.
Sangak ai bu tom
Phalbi zan in khua dam a, zing sang ciang ai bu torn ning ci-in ngaih sun na pi khua vak ciangin khua lum a, bu torn ding mang ngilh zel hi. Na khat peuh a hun a phawk lo, sem lo cih na hi.
Sangak lai taat ki tuh bang
Sangak nupa te, phalbi zan in a laita ding ki tuh. ( nih bek lai to cih om thei lo )
Saphual ah tui buk tam
Sa kigawh na mun ah ki tut kho cih na hi.
Sapi ngong tawl sih pih
Humpi in piau antah ne-in a sih pih bangin mihing te zong nek leh dawn tang lah in ki sih pih thei.
Sapi pai nuam ki zia masa, milian khual zin nuam thang masa
Ki thei khol thei cih na.
Sasi tuak bang
Gamsa te mat, a nek bang sazuk, sakhi cih te a tuakte hamphat na lam in ki la ahih hangin kamsiat na zong om thei ahih manin ki tuak masa nuam lo hi. Sasi tuak bang cih pen ham phat na lam gen na hi zaw hi.
Sasi zon
Sakap ham khat a mual a guam zui in, a si taak na a ki zon bangin, thu leh la khat peuh zong ki sa si zon thei cih na.
Sawng pi pu suah
Lo pawi zawh ciangin lawm an nek pawi ki bawl a, khua ciat ah tual bawl na ki thawih na ki nei in thu pha ki ngen (guah tui ki ngen) hi. Tua ni pen zeh ki tang a inn ki om hi. Inn om kawm in unau sang gam te'n neek bawl khawm uh a, tua pen lawm an neek ki ci hi. Lawm anneek pi ni a zing ciangin khua zangin gam sung ah sa kibeng hi. Tua pen sawng pi pu suah ki ci hi. Tua ni a sa man te min thang hi. Ngal tang man pa in satang mai ah ngal tang a kaplup phet in hih bangin hanla sa in awng tuai tuai a, sa hawl te leh sawng beng te lawp mahmah uh hi. "Zang sa ngal pa'n ee, thanlai bang aw ci e... taang in ee, thanlai ka bang lo ee... len lai ka tung suan e... ee.." ci-in thau a lawn hi. Nitak ciangin khua mual ah mual suah a, hanla sa in tu'n aih pah hi. Khua leh tui-in zu beel leh zu taak tawh na dawn hi. Tua bang hun ciangin a nuai a sawng la pi ki sa hi. (a) Sawng pi ka kap ni'n Ica gual lai-ah ee, a thang masa kei hing ee.. (b) Ka min thei bang hong lo aw lun ii ta aw ee, Sang ka kap gual sling ing ee
Sawng sahawm
Sawng sungah sa a man pa in a lutang leh thau tel a ngah khit ciangin a pai khempeuh in a kim dimdiam in seh hawm pen sawng sa hawm ki ci hi. Sa dang hawm tawh ki lam dangin, a ki bang, a ki kim-in sa mal ki pia hi.
Sazuk gam paal-aam, leen lai paal am
Mun leh gam nei lo gam paal-aam sazuk bangin, nu ngak leh tang val zong thu kho nei lo a, pal-aam bek te genna.
Sazuk in a ki bong kiat na zong kik
Sazuk in a kii pulh, a zon kik bangin, mihing in zong a nuntak pih khang ham te thu kan kik.
Sazuk kii puak
Sazuk a kii pen mel ki lawm sak na bek in nei a, a kii a zat na om het lo hi. Min leh za neite zong bang mah in a zang theilo te gen teh na hi.
Sazuk liat
Sazuk a liat hangin lungsim pilna neilo in meidawi tawh thuah lai hi. Mihing tua dan te gen teh na hi.
Seen ngaih leh vaang ngaih
Neu lai lawm ngaih pen ngai mahmah napi a ngaih te in a ngaih lam na ngawn na thei to ahih man, hi bang ki ci hi. = Ngaih cih b-uang tongdam saan loh, heemlawh lung gulh, zungzung liang tul Jim lai ah, lai neem ing. = Nang vang ngai omlai vei bang lung tuak lia neem, ciau kuam zang van kei nong lai kuai ei ma ... ee.
Seeng leh ki teeng hoih to
Mola bang kua pan a ta nu uh a mo laak na mun ah mo a khak leh ki seeng leh ki ci a hoih to ki ci hi.
Seeng phan a bawm suah
A pat na ngim na bulpi leh a tawp na ki pelh thu te gen na hi a, siam loh pil loh na lam gen na hi.
Seenge tui awm
Sa huan hi tei na pi, sa gim zong nam zo to cih na.
Seutaw ta lah, luang sawng
Inngi, logi kituh na-ah gikeek a thu man lopi-in ki ciam khial leh, seutaw ta ciang bek-ah zong ki-si thei, luang in sawng thei hi, cih na hi. I vengte' gi keek leng seutaw cia bek leitang zong kisih lawh thei cih na hi.
Si le ih mu ham sia
A si leh a ih mu te tawh an kuang ki urn khawm lo ahih man-in si le ih mu ham sia ki ci hi.
Si leh hing Id mu bang
Lam et loh pi a ki muh lung dam luat na uang gen na kam mal hi.
Si lui thei, puan lui thei
It mahmah te zong sau vei leh mang ngilh thei cih na.
Si pu bangin ma-nek
Si pu cih pen sih vui na ding pulaak, cih na hi a, mi neih sa pulaak a nek a bei pen meet bawl na om lo, sih vui na tawh ki bang cih na hi.
Si-an siah
A si sate zong an ki siah lai ahih mah bangin, a nungta laite neek leh dawn ki siah huai, ki piak huai cih na hi.
Sial cing leh nau cing nek ngaih
Ni sim a peel lo a nasem ahih man nu leh pa in nek ngaih hi.
Sial cing ui san, nau cing tha dah
Sial cing te ki mai et in sun siah lim ki guan a uisan lawh, nau cing te zong bang mah sem lo in tha dah lawh hi.
Sial dop si (sial dop sin)
A.mi khat ii sial sidek khat ei khut-a sih suah pen sial dop sin ki ci hi. B. Nu mei vai ah mi dang tawh om khawm kawikawi a, a ma deih khat ngawh giap pen a ngawh pa sial dop si ki ci hi.
Sial ek deenkeek bang
Ki khen thang gawp cih na.
Sial gual nuam sahang in ne
Gual nuam lua te ki tawng thei cih na hi.
Sial in a kii keng, vok in a tuk keng
Sial man a ki seh ciang a ki sau na ki en a, vok man ding a tuk gol na zui in ki seh mah bangin na a ma mun ciat ah seh na ki nei cih na.
Sial in sik sik leh neek neek thuah
Nun tak pih, nop tuam pih na pi gen sia sia cih na hi.
Sial khe khap ah tui cing kim lo
Sum leh pai zon na ah, sep na zui-in hamphat na ki ngah kim lo cih na hi.
Sial khum leeng in nam sia phuak
Thu sia la sia hong puak te gen na hi.
Sial kiop go sa zong nuakik (kikhen)
Pu Khua Cin leh Pi Vung Khua Lian ki-it ki ngai mahmah in, Tonzang ah zawl tai zaw zen na pi, Tedim a ciah kik ciang a u a neu ten tong sak, sial kop go sak in mak sak uh hi. Tua pen pau nak a ki zang ahi hi. (A nu pa un sial kop a go zong in ta pa nei lo in a pasal si te nuakik hi.)
Sial luang kang leh vautang puak bang
Sial luang kung leh vau tang mei in a kat ciangin a puak setset bangin, kam zol thei lo a, a pau leklek te gen na.
Sial nu phal zong, sih khuk ah ki liak
Mihing te zong sih gal na ah ki tuak, ki it na ki ho na ki nei cih na.
Sial pi guah thuak bang
Sial in guah thuak a kih tak loh bangin thu khat peuhpeuh thuak cih na.
Sial tat nung a sial dai kai
A sia ding khempeuh a siat khit ciang, thu nung phawk, phat tuam na om loh na gen na hi.
Sial vom leh sial vom ki ngai, sial kang leh sial kang ki ngai
Ih ki batpih ciat, nam ki batpih te ki ngai deuh cih na hi.
Sialpi vai kuan bang
An zongin ni sim a pai khiat kul bangin mihing te zong nuntak nang zon kul.
Siam pi leh sik seek guaih, thupha laak na
A siam a thu pi te zah tak bawl ding cih na.
Siam pi lo in khua ki teng mawh
Zomi te biak na thu pi sak a, siam pi thu pi sak cih na hi.
Siam sin na leh vakiang bu
Vasa bu lak ah vakiang bu hoih lo pen a, siam sin na zong hoih thei pah lo cih na hi.
Sih ding in mual-ah hong tawng lo
Sih hun ding ki thei lo cih na.
Sih khialh luang in sawng, Dawi khialh lutkik
Misi tawh kisai ngei na zui khial leng ki sih lawh, dawi thoih na ah zehphi leng ki thoih kik thei.
Sih thau lot bang
Sakap leh sih thau lot ki bang lo.
Sih vui baih leh taang vang bawh ki sik om lo
Misi vui baih leng a bei nuam tuam, tang a vangin botleng a vui pha.
Sihzang an kham val
Sihzang ngei na ah an hong ki lui ciangin tawm ta leh tam ta leh gai khin lo in a kuang sungah valsak ngei na hi.
Sihzang tanu man siik bang
Nidang lai-in, sila numei khat in, a man a tote la a, zi nei pa in a piak teitei na ding in siik teltal cih na hi.
Sii leh baal bang
Sii leh baal meh lim in ki lawm mah bangin mi ki lem mahmah te gen na hi.
Siimpi duh to siim kuang kui
Kial tun hun in phing pi leh siim bul ki ne a duh lo mahmah ta leh nek ding clang om-lo in kham zo lo in a kuang kui cih na.
Siing kuang leh ai kuang khek
Na man pha khat leh a man pha lo khat ki khek cih na.
Siing leh sa hel bang
Thu khat peuhpeuh a sia a pha ki hel zau-a ki khen thei lote siing leh sa hel bang ki ci hi.
Sik beel khu-in ciah
Kisiik mahmah na uang gen na hi.
Sik zong a sat laitak ki seek, lungsim a nip lai tak ki seek
Mihing pen ih nip na ding daih hit hiat kul.
Sila tal sih ngak bang
Sial tal in sih thuk tui-al a nu siat zawh loh bangin mihing zong it leh ngaih te ki nu sia lo cih na hi.
Sim beng bang a zanta
Guk tak nop na lungsim neite zusa-simbeng tawh genteh na.
Simbeng sih na-ah zong si tak
Nakhat peuhpeuh sep na ah ahi zong vai hawm na khat ah thang tat na khat a om ciang kamtung nun tuh na a zat kam mal hi. ( Na lian sep na ah khialh na tawm bang om thei)
Simbeng u pat
Neu zaw na pi kum ham zawk na.
Simbeng zong kim cit ciat tang zang ki guang
Vai hawm na khat peuh ah vai puak nei zaw deuh ding ki seh kul cih na.
Sing dang sat leh su phei luk
A nop loh dan gen teh na.
Sing hawm sung hawm a piang mi om tuan to
Mihing te ih pian na ki bang cih na.
Sing in a gah lel lo
Mihing te ta vak lah omlo cih na.
Sing khuah khat bek kuang thei to
Pasal bek inn suang zolo, zi neih kul cih na.
Sing khuah khat kuang thei lo, mi khat guak pau thei to
Mi khat guak a hoih a sia ki bawl zo lo.
Sing leh gua ki gawi kal-ah
Mi ki ho thei lo, mi nam ki gawi ki kal a om pen a nop loh na gen na hi.
Sing mam lua kah hak, thu man lila zuih hak
A ki deih pen hi na pin zuih hak cih na hi.
Sing paak khem peuh gah kimlo
Ngaih sut na, vai hawm na tang tung kim lo cih na.
Sing phung dang leh, sing phung zang a ki khen khang kua a ki mu
Khua khat tui khat a teeng khawm u nau khat hi ngei napi, ki khen zawh khang kua-in ki mu in, ki teeng.
Sing sui siam to in a puak khop ngah
A siam loh tha man a mah in thuak cih na.
Sing vaang-a gua nuam-tuam, Gua vaang-a sing nuam- tuam
Khat leh khat ki nop tuam pih cih na hi.
Singlai laak leh zi lai laak haksa
A kim a pam a ten awh ahih man, a kim a pan van kul cih na.
Singtung vatuang bang
Mun kip neilo, lung muan om lo cih na.
Sinsung lamka lai ding bang
Lung sim nam nih khen tel theih loh zia a gen na.
Sinsung thei teh nuai bang
Thei teh ham nuai leh lung sim ham nuai gen teh na hi.
Sinsung tui dam theh
Heh na thang paih na om lai tak lung nop na ding gen pih na kam mal.
Sivui nung bang
Sivui ni tak in ta nau teng ki ciah pih in ki siat veh tutpih ahih man inn teek te bek om in gam dai lua cih na hi.
Su ki-leh lak zang kawh ne (su ki leh lak zang kawh duh)
Nu mei lup sia, ki urn kep lote ki dop na ding thu hilh na. mihing ten a hoih to a deih huai lo khat zong a hoih na hi zaw thei)
Su leh zang a ki zom
Sung leh pu a ki man ki zom cih na.
Suang turn tuk tuk, a tungah paan po ngei lo
Khua lal lal hau ngei lo, lung sim kip lote in ma tun ngei lo cih na.
Suangkuah liak luak in, khua sia sak
A hoih bawl ding haksa a, a sia bawl ding pen a gina lo pen te in zong bawl zo cih na hi.
Suangpi suang neu in thek
Suang neu in thek a suang pi kho, mi zawng nau tang' vaang a mi lian te nung ta.
Sukte' sin leh suk pum kuaih
An suk na suk kuaih tan khauh leh sukte khauh na a gen teh na.
Sum kuang in a li khuat, numei in a ma khuat
Mai lam thu khual ding cih nop na.
Sum unau, sum pata omlo
Sum thu ah unau pata a tuam tek in ki huh ding hoih zaw a, pum khat bangin sum zang khawm thei mi a om hangin tam lo zaw hi. Sum thu ah unau pata ki tel khial tam a hih man, sum thu ah ki dop ding cih na hi.
Sunden leh deek tuah
Inn sungpi kiang ah misi ki tung-a, tua mun sunden ki ci hi. Sunden leh deek tuah pen sih na, tuah siat na khua ngaih na gen na hi a, han ken kuasah ding a zon ciangin a ki zang kammal khat hi.
Sung ham a, pua neel
Kam pau neel na pi a lungsim khauh mi te gen na.
Sungh leh pu biak theih, ngal tun biak mawh
Ki thum na a sang thei to te ngal tun tawh gen teh na.
Sungh' inn lum, pu'inn lum
Nop ni dah ni-in sungh leh pu te' inn gam turn suah cih na hi.
Sutpom khin sa sat nawn kei un, tem ki lumlet thei hi
Khua khat leh khua khat gal ki do hun lai-in a zote in a lel te neih sa luah in, sila in man in a lel zaw khua te in gal ki lem nading them dingin a pai sak te Tong Ciin ki ci hi. A pai ding ciangin khua zang in zu lawh dongin, sago a Tong Ciin pa a kham-in nesak masa hi. Tua kipiak ngam na zui-in khua a ding a nuntak na a pia pa hi. Ki dawm tak in lem thu gen dingin a pai na lam pi ah gal te in mu leh that thei hi. Hau sa pa inn a tun teitei ding han ciamin a turn phet in a kong kuang tui dawn masa hi. Tui a dawn khit teh gal hi non to in, Tual sung mi suak a ki that thei nawn lo hi. Inn sungah turn phei in Hausa pa khuk pan porn-in "Sut porn hong tung ing" ci hi. Hausa pa a om kei leh a sutpi porn-in kiko a, "Sut porn hong tung ing" ci hi. Tua thu a zate khem peuh hong ki khawm a Tong Ciin pa in a lem thu gen nop na sutpom thu teng gen hi. Tua mun ah kong kuang tui dawn sa mi khat pen that kha leh Tual that suak a tern kilum let in ki dok kik leh gal lel thei cih na hi.
Suum pei bang in leen
Mang Sum'min pan in suum pei min piang hi. Saizang hau sa Mang Sum' satang hal na mai ah sapang a om pen, huih hual nung in Mang Sum gam kangin a sih ciangin tua bang huih ki pei a khauh ciangin, nau pang na ngawn lenpih mang thei cih na.
Ta pasal khat na neih ma in na zite uh sasin na baak kei un
Tapa neilo numei te tung ah na sinsung thu khempeuh hilh lo ding cih na hi.
Ta pasal khat neih ding sang in, tem to hiam khat neih ding hak sa zaw
Temta hiam neih ding bet mahmah kul na pi to pasal pen ei han ciam thu hi lo cih na.
Taak sing bul phuk sel ngei lo, Taa tee sam siat meet ngei to
Tate sam siat loh ding hilh na hi.
Taak sing zong, hei ma tuk cia in ciim
Thuak na i neih ciangin, cim na ki ngah.
Taang a si, tawl in kah
Taang-a misi khat a ki sai lopi-te' tungah hu la in kap sak cih na hi.
Taang ham kin bang
Hun awng ngah lo, na sep kin lua cih na hi.
Taang pi leh lei phil
Lei phil theh leng a ki liam zawh loh bangin taangpi thu muibun lo cih na hi.
Taangham bawh leh, sa vun tui diah
Savun tui diah pen a malh mah bangin taangham nisa in bot leng guah zuk ciang tha khat in khang in hoih cih na hi.
Taangpi thu leh heilung ki keek zo to
Taang pi thu kim na ki phel zo lo cih na hi.
Taciim paak lai, numei suman suah
Taciim pen lopa kiak nam khat hi a, a paak lai tak in, ni sat hun, na sep tawl mahmah hun hi a, ih mut suak lua in, khua phawk zo lo zah dong ki ih mu thei cih na hi.
Tagah bil bing bang
Tagah kua man hilh lo in thu thei lo cih na.
Tagah khua suak
Kua ma hilh loh, a mah leh a mah zon tawm tawh ki khuang khoh in thu pi zaw thei cih na.
Tagah ki khual kum in, vanpi a zang kawh
Lo khawh han ciam sawm'mahmah kum in khua hun hoih lo thei cih na.
Tagah nawi muh
Nu om lo, nawi duh mahm manin, a nek ciangin a val a kan in ne hi. Zu nek an nek a tam nek lua te Lung ki zang hi.
Tagah ngeek bawl, pakhat ngeek bawl
Tagah leh pa khat te ki ngek bawl lua thei a, a ma thu in gam tat sak luat man a nuntak na sia thei zaw cih na hi.
Tagah sial neih lam lai-a kual
Tagah te in a sial kern zo lo, neih leh lam kern zolo te tawh gen teh na.
Talai ngaih sia
Talai inn luah om ngei lo ahih manin, a ma nuntak na ding ki khual sak na hun piak ding ki sam zaw cih na.
Tang khua pha, sial buan keu ( Tang nisa sial buan keu)
Tang kha (september) ni sa pen sapha dial( in buan ciim keu sak zo cih na hi.
Tang tawm musi suak bang
Tang tawm tui a keuh ciangin khat musi suak in, a pi man a ne.
Tang tel sih tan bang
A piang thu khat thuak zolo a ki torn na.
Tang-a-te mi si neih bang
Phat tuam na hong pia thei nawn lo misi te vaang tang.
Tanu, kuang lai lick
Dah na nop na ah to nu te'n na sem in a tawp a bei dong sem cih na hi.
Tapa deih leh taang po deih
Lokho te'n taang po ding a deih leh tapa deih gen teh na.
Tapa hawm thawh tual gal suak
Tapa khat neih ngek bawl pen mi gi na lo suak thei a, nu leh pa lung kham sak thei cih na hi.
Tasel leh mi phak in tap sel
Tasel leh mi phak in min tap nei lo.
Tasi to om lo, ngal tak pawn to om to
Khang lui te ki heh nep na kam hi.
Tat paang lei ko
Tal paang ham leh si tam luang a na sia khol lo cih na.
Tawl nga lui suang nawn
Tawl nga ci na pi nasep hamzaw sem zaw sop cih na.
Tawmi te innkuan an ne bang
An nek hun a man nei lo in a ne masa in aduh teng ne in, a nu-nung te siah lo, inn kuan te gen na.
Teeksia biak leh, nau pang biak
Teek sia te naupang lung sim nei kik thei cih na.
Teng kol pang khial, tui taw tung
Tengkol pan ding bek ngaih sun a, tui kia in tui taw tung cih na.
Tern lo-a lula
Thu leh kam pau tawh zawh na.
Thadah ak tuam siah
Tha dah se lua kop a thuah a sem khawm cih na.
Thadah kung mui tu
Khawl in sing phung ah tu a kung mui tu tu cih na.
Thadah mu leng mu
Na sem lo in khua dak kawikawi a, van a mu leng mu cih na hi.
Thal lam cil slat ei tung hong tu kik
Ei leh ei bawl a ih tuah thu te gen na.
Thang Ho Lian Do u nau bang
U nau ki-it mahmah te gen na.
Thang Ho te u nau taang tang phel hawm bang
Ki neek ngaih luat na uang gen na.
Thang Ho' pi bang
Thang Ho' pi-in a puan kawm pan mim tang, taang tang a pian sak mah bangin, khut zeek siam te gen na.
Thang khau en to a, an tah en
Kolbulh khau khih nading ngaih sun lo in a huai ham te gen na.
Thang siah hak sa to in, a vil hak sa
Nasep na ah ma pat baih na pi a nung zuih hak sa cih na.
Thankik bang a khua ngai
Nau pang thu ngai nuam te ko na.
Thankik bang a meel khel
Lung sim kip nei lo a, ki khel thei zel te gen na.
Thankik ha hoih leh ei ha sia Meek bang
Ei aa, a sia a hoih lo pen mi a hoih tawh khek nitam cih na.
Thankik phum bang
Thankik a tuii ciang lei sungah phum in don non lo hi. Tua bang a a tate don lo in a nusia te cih na hi.
Thankik vok-ek napsak bang
A si ding kim lai vok ek nam leh a hing kik thankik bangin, kikhoi na ah nop tuam na ngah na cih na.
Thankik za-ek bah bang
Nek khialh nei in vul ning niang cih na hi.
Thawm thu gui thu sut a ki nei na hiam?(pu leh pa khang thu sut a ki nei na hiam?)
Thu gen a sau lua te cih na hi.
The bet khiat bang
Dai pah khip khep in om nuam pah cih na.
The in a sih na ding gunpiau zuan
The a sih ding ciangin piau nel sungah turn.
The khuang bang
Aw siang tho te gen teh na.
The-te mual zul bang
Migi na to vak zau te gen na.
Thei nuai bang
Inn keh a, zu kham kham te gim nam pen thei nuai tawh gen teh na hi.
Thu I cih la, la I cih thu
Thu gen nop la in ki gen thei cih na.
Thu a hang thu a si, tui a hang tui a si, gal a hang gal a si
I gi nat na, ih sep na ciat mah tawh ki Si.
Thu in a khap tawn
Thu pi a ngei na zui-in ki gen.
Thu pha in sang kil kan to, thu sia in mual kua khum
Thu pha ki zelh na ding hak sa na pi thu sia ki zel baih cih na.
Thu pi'n kawi kua nei, khua pi'n thuap kua nei
Thu ngaih sun to in mawk gen lo ding cih na.
Thu tang gen leh sazang kap vat
Sial zang pai a ki kap ciangin a lu tawm hei leh khak loh lian bangin, thu tang gen te zong thu tawm ki hei leh val Tian.
Thu'n tap zangah hong zuan
Thu khat peuhpeuh ih tuah ding ki pelh thei to cih na.
Thugen siam lo te'n hong tawng bang, tut slam to te'n hong lak bang
Kam siam to te gen na.
Thuk tuam suang sa ki gawm mawh
Ki ho thei lo, ki fern lo cih na.
Thungak lah pha lo, anngak lah pha
Thusia khat diah phot hoih na a gen na.
Thunung theih leh sa nua kap
Kial lap to ahih man ki man na om to cih na.
Thupha leh lam phei zui dah om lo
Thu nuam thu pha a za dah om to cih na.
Thuzau gen, ek tawh ki zom
Thu pheng gen a sia in zui cih na.
Ton khialh luang in tuak
Ton pen pusa thoih hi a, zehphi leng ki sih lawh ( Ngei na man zui ding cih na)
Ton leh taang aih thuah
Sep ding thu nih a gawm te cih na.
Tonkai nuaisu a ki kham zong zubeel khat tawh mai
Ki lut, ki thum ding thu pit na gen na.
Tu-pa pha leh Jiang dap pha
Tute huh na pha tuam cih na.
Tuang dung sau leh daak bu kim
Picing in nuam cih na.
Tui Ida a cih mawh man a nui
Nuih na khempeuh nuam na hi to cih na.
Tui a niam na lam luang, ki niam khiat te thu pha tung
Thu pha ki mawk ngah to cih na.
Tui bua sa ki luak kik thei lo, thu gen sa ki dok kik thei to
Ki dawm in gam tat ngit nget ding deih na.
Tui khuat leh khua sat in gal thu leh zawl thu gen nuam lo
Mailam thu khual in kam pau ki dawm ding deih na.
Tui leh mei bang
Ki hua lua in om khawm thei lo cih na.
Tui leh nga bang
Mi ki lem te gen na.
Tui ngap lah Ida, sing dawn kah lah kia
Sep zawh loh te ki nu sia cih na.
Tui sam phut bang
Hau pak a zawng kik te gen na.
Tui sung pau zong banglo
A thu gen na ki sanglo te gen na.
Tui ta gin ngaih, tuipi ging lo
Mipil mi thupi te kamtam lo cih na.
Tui ta khan leh nam tom hauh
Kip suak zolo, picing zolo cih na.
Tuipi nem nem luang kua tai
Mipil te lung nem hit hiat- in thu lian pipi a zawh na gen na.
Tuitang to thuk thei
Thu thei te pau lo a, lung sim thuk a neih man hi thei. (mi pawl khat theih nei lo ahih man pau lo)
Tuk tu bang teh
Zu duh te gen na.
U leh nau in sawng
A zawh pen pen tungah tu cih na
U si nau nuam tuam
Pasal khat a zi a sih ciangin a nuphal nu ten pih cih na.
U zaw zi leh inn luah zi su bang ding
Thu nuam pawl huai ding cih na.
U zawng nau in khuh zolo
U zaw te lelh thu te nau te'n sem zolo cih na.
Ui ek pu bang
Ui lu ah ek bang leh a pai na peuh ah a ki huat bangin, mi lak ah ta thei lo te gen na.
Ui hong tawng khem peuh in hong pet lo
Hong tawng khempeuh aheh kilo, hong hilh hong deih sak te hi thei.
Ui in a luak ne kik bek
A deih loh sa khat deih kik cih na.
Ui leh keel bang
Ki lem lo te ki gen na hi.
Ui mei kang bang
Om kin ken lo a ki pei vulvul te cih na.
Ui mei sik khak bang
Lei ko cih na.
Ui mi si ne bang
Ui-in misi pen mi hi cih thei na pi sa ahih man ki suang pipi in ne tei tei, ki suang, ki sung sia pipi in sem teitei cih na.
Ui ngoi ahi zong in siangin teh
Thu gen na ah ki tel khin napi gen kikkik na mun ah thu ken tat na ding gen na kammal hi.
Ui no muk tuah bang (Ui no suk tuah bang)
A ki lem kim lai helh tuah na hang a ki tawng te cih na.
Ui si ngeu si bang
Gi na lo mahmah cih na.
Ui ta lei ko
Ui no sat nai lo in keng a sak bang, mi thu duh te gen na.
Ui taang sulo, taang vai khu
Ui-in taang su lo pi, a vaii khu biakbuak, sem lo napi a min pua nuam cih nop na hi.
Ui tui bang
Ui tui khu lo a sat mahmah bangin, lungsim khauh te gen na.
Ui tui buak suah
Mi khat leh khat ki-it a, tawm vei ciang ki hua pah te (ki lem sa ki sia kik te)
Ui zong touh cih loh in pai lo (sap loh in pai lo)
Sa sim zu sim na ding mun ah hong ki sam lopi'n ki hawh ngei lo cih na.
Ui-in a ki tak te bek tawng
Lelh man leh dem lah man ki to thei cih na.
Uiphuk in sial khe khap sung a tui cing, tuipi sa
Muh na zailo gen nop na.
Uipi leh saguh bawk om khawm bang
Nu mei leh pasal lum khawm genteh na.
Uipi sangsia bang
Gawng lua cih na.
Uipi vak hat saguh bawk tuak
Numei vak hat tuak khial thei cih na.
Uita a nek na ah zual
Neek leh dawn hong ki piak na mun ah ki hawh nuam diak cih na.
Um a dim ging lo
Pil na nei te kam tam lo cih na.
Um gong tawng, beel gong tawng to
Um leh beel a tote a gong tawn dong ki zang lai a, mi zong a khang tote gen na.
Um gui dawng, mai gui dawng bang
Khang moi cidam mel hoih gen na.
Um leh beel in a gil ngai
Sen na ding mun ki lawm a om na a gen na.
Unau ki nu phal ki suun thei
(ki suun cih pen khat siat na hang in khat sih lawh thei cih na) U nau ki nu pahl ki deih masa lo cih na.
Unau vakhu tuii bang
Ci tawm in ki it cih na.
Va ak han
Hang lo pi a hang ki neih mite.
Va khu nu pa bang
Nupa ki thu tuak helhel te cih na.
Va sing tuang bang
A kip a kho om na nei lo cih na.
Va'n zong zu'n zong a gawl sih pih
Mi hing te zong an mah thupi pen a, sep na bawl na tung mah a ki si ding cih na hi.
Va-ak si gal bang
Va-ak in sa duh man gam si mun ah va pai.
Va-ak utong ki neih
Hoih lo pi ki hoih sak te gen na.
Vabak no delh kawl zang tun
Vabak delh leng a gei ih tun dek tak in leng a a nai no khat tu in delh delh leng gamla pi ki tung cih na.
Vagik in a gawl sih pih
Vagik in thang an tah ne in a sih pih bangin mi hing te'n zong nek leh dawn tan zawh loh man a gawl sih pih te gen na.
Vahui in gawl tah leh tah, khau tah leh tah ci
Vahui thang khau ah awk in, a gawl a tah leh si ding thang khau a tah leh suak ta ding ci-in nak pi-in ki tom in a tha neih zah sit lo in a diang gawp bang in, sih leh sih than leh than ci a nasep na te gen na.
Vahui muk zeem bang
Hoih na ding deih a bawl khialh te cih na.
Vahui suk len bang
Hat pha mahmah cih na.
Vai nu numg gal ban sat
Vai nu nung gal in pha a, nam sau tawh ki sat in gal man suak cih na.
Vai nu nung guah sia in lap
A zia kai te thu sia la sia in lap thei cih na.
Vaitun lung ham
Gim luat ciang ki lung tom vat thei cih na hi
Vakhu tui bang
Unau citawm a ki thu tuak te gen na.
Van a va leng lai nupa ki tot na
Van a vasa leng pen a suk len, a to len, a phei len hi ci a nupa ki sel na om thei hi. Ki tot nate thu pi khin lo cih na hi.
Van pam khual na
Mi dang khual na hang a val sep na.
Vansam bang a kaai
Bul neilo a mi beel te cih na.
Vaphual nupa bang
Nu pa ki it a ki sih pih ngam te gen na hi.
Vasa no an sang pen zong tuam pen
Vasa a tui a keuh ciangin, a pi in an zongin puak a, an sang tuam khat hong om a, thau pen thei hi.
Vasi dai ngo kham bang
Gamlum in sa ngei ngai in mi thu gen ngai late cih na hi.
Veih pai pai ek tawh ki zom, ci na na sih tawh ki zom
A sia khat a pian ding ciang a sia khat mah in ki hil khol masa cih na hi.
Veih teh ding leh lam pam sik khial ding ki thei khol lo
Tuah khak ding thu gen kholh theih omlo cih na.
Vok in phu phu ui in tang
Mi khat in ui khat leh vok khat khawi khawm in, inn tung ngah ding nasem pen te hi ding hi uh teh ci-in lo khat kho sak hi. Vok in sun tha pai-in phuphu a, a lo zo hi. A zawh khit ciang lum hit hiat hi. A lo phut sa tungah ui pen sun tah pai a lum kim lai, to sung teng vok phut na sa tengah tai kawikawi a ui khe khap dim sak ta hi. A pu hong kuan in a et leh nasep gim vok lum a, lo lai ah ui na om a, a khe khap zong om a hih man in ui in nasem zaw ci-in inn tung om ding vok pen inn nuai om ding ci-in inn tung om ding vok pen inn nuai om ding ci-in thu khen hi. Sep loh pi pi ngah na peuhpeuh ki gen teh na hi.
Vok khial gamta, vokpi kuun ngak suan
Teek nu vai hawm na sut in, a uk a hawm gawp mote gen na hi.
Vok khial huk bang
Vok nu a huuk cil pen kemkem ta leng gawl phu khia in a tai na ding awng zongin a tai khiat teitei bangin ta nu hilh lah, khal lah te gen na hi.
Vokpi pu suak, suang tum teak
Pai loh na ding a pai te tuah sia thei cih na.
Vom halung vei bang
Khual nei lo a ngong tat gawp te gen na.
Vom ki lu bang
Vom ki lu pen a man ciangin a lang lam tuak ah tai ving veng ci hi. Ki leh bulh thu te cih na hi.
Vompi sa hawm bang
Vom pi-in sa a hawm ciang a mah ki hamphat in a lawm te neu tan hi. Ang sung thei, a huai ham te gen na hi.
Vompi ta hong bang
Vompi-in ta nei leh a pam ah kua mah om sak nuamlo, om leh a mi a sa dawm lo hi. Mihang san te gen teh na hi.
Vompi taang kham bang
Zu kham an kham a, khua phawk lo Jiang a om in ih mu te kiko na hi.
Vot si dawn bang
Vot in si dawn leh a kiat khiat dong dawn hi. Dang tak lai tak a tui lira dawn te gen na hi.
Vot si kham bang
Si kham lua in tang zo non lo ahih man, gil vah lua te kiko na hi.
Vui khum a khai tuh
Khua pi guah zuk ma a lo pawi, khai tuh cih na hi.
Vum tut pong den nek
Suan Kham in pong den ne-a lim a sak na thu a gen pen Vum Tut in a zak ciangin a ma nek bangin gen kik hi.
Vut leh vai suak ta
A kang turn a mang thang te ki gen na.
Zai zaw bang
Zai zaw pen khaugui nam lah bang, sing kung nam lah bangin Sing kung tung teng ah zam kawikawi hi. Mi cih bangbang mang kawikawi in kop leh kai thuah te gen na hi.
Zam khel zan hah
Neek leh dawn nei lopi-a mawk zan hah.
Zam ngaih lua ki sai kham, Mui zang lua khau tat, pil let lua vat
A ki lawm a ki tuak ciang bek mah hoih cih na.
Zawh ngeu bang a inn lum beet
Mi pang beef a nungta te gen na.
Zawh ngeu bang-a veii suang
Zawh ngeu, sahang nam peuh mah in veii lam suang a, zaang gam a om khau gui te a veii zam-in ki vial hi.
Zawh ngeu khat in inn kua hu, humpi khat in mual kua hu
Sahang mei nei lo mam te tawpi(humpi) ki ci a, tawpi kuam kua sung ah gam ta in, zawh ngeu pen inn kua a om zusa man zo cih na hi.
Zawh ngeu mai phiat
Zawh ngeu in a khut guak tawh a maiphiat (zuut) mah bangin, tui hak sat na mun ah, khut guak tawh mai zuut siang cih na hi.
Zawh ngeu ta neih bang
Zawh ngeu in a tate a tuah kawi kawi mah bangin neih leh lam a tuah kawikawi te gen na.
Zawh ngeu thal khiat bang
Ki mawl na siam te gen na hi.
Zawhngeu upat
Neu na pi a upa te gen na.
Zawl gai nu nung in zawl gai ma sa ko
Mai lam thu ding thei lo ih hih man ki dop huai cih na.
Zawl hel sing khuah bok tawi om to
Deih zon lai tak siam theih tawp a ki siam cih na.
Zawl in sang gam suan
Sang gam sang in a zawl pa it zaw cih na.
Zawl lui leh lam lui kan kik
Phawk kik kik cih na.
Zawl mit ki bang, sing mit ki bang
Sing mit a ki bat bangin, khang moi, khang ham zawl mit ki bang cih na.
Zawl ta leh bi kha heu-baih
Zawl ta ki it na bei baih cih na.
Zawl thu ah suang kang tang phum-a ki ciam
Suang kang tang a muat mateng, ki khen to ding ci-in ki ciam a, ki teeng kei leh a mi muat cih na.
Zawl thu ah vompi sahang tawh ki clam nuam lo
Zawl thu in sahang leh vompi peh ding a ki ciam te tang tung thei ahih manin, ki ciam lo ding cih na.
Zawl thu gen leeng, Dem Clang nui
A nui nuam ngei lo Dem Ciang zong zawl thu ki gen ciang nui, zawl thu za dah om lo cih na.
Zawl thu kal ah slat thawl
Thu hoih sa kim lai thu sia lut thei. ( ciam pel in sialpi liau thei)
Zawl thu leh, lo gam thu in ngawng tawng thei
Thong paih na lian thei cih na.
Zawl tuah sial liau
Zawl tuah bawmta pa leh nungak khial kha a, teen pih lo ahih man sial liau cih na hi.
Zawn In leh mang lu ki khek
Gal ki do na ah a zawng khat sih na mun ah a gal te makai a mang khat si-in a lu ki khek cih na.
Zawn sih pih om lo
Zomi te u le nau ki huh ih hih man zawn sih pih lo
Zawng Liam tho in bom
Gi na kei leng thu sia la sia in hong born cih na.
Zawng an vel a vel
Lim et cih na.
Zawng bangin biang a khol
Zawngin a biangah an khol- in, hun nuam tak in a om ciang ne kik, mihing ten zong hun khat ciang ih neek ih zat ding sum leh pai khol cih na.
Zawng ha thei to zawng ha hilh
Zawng mi peh ding thei lo na pi, mihing in a peh leh a ha neih lam thei in hong peh bangin, lam ki hilh khial te gen na.
Zawng in a ma taw kheng mu lo in a lawm te taw kheng ko
Ei gi nat loh na ki mu to in mi ko, mi gen sia te gen na.
Zawng khel bai thu'n zawng za ta
Zawng hon lo lai ah a tat ding ciangin a hat lo a khel bai khat sing dawn pan gal vil sak a, lo nei pa a muh leh ham in zawng hon tai pah hi. A khel bai hangin a upa pen hi a, a thu in gam ta uh hi.
Zawng khua hawh zawng nek ne, kii khua hawh kii nek ne
Ih tun na ih om na mun zui in gamta ding cih na.
Zawng mei ma nei bang
Zawng in mei ma nei leh khoih khoih in a dam theih loh bang in thu sia khat a hoih ding kim lai gen gen in sia sak kik zel cih na.
Zawng to hon bang
Zawng in lohong leh a tam gaih zawk mah bangin, mi muan huai lo te sum leh paai ap ngam huai lo cih na hi.
Zawng'nek ngau in teak
Mi khat siat na a dang khat in thuak lawh cih na hi.
Zi hawi to in zi ma to
Zi dang a hawi kholh khit ciang a zi ma ngam cih na.
Zi hing suan leh tapa nusia, nuam mual ah dak ngei lo
Hing suan leh tapa nusia a pasal nei ki deih lo cih na.
Zi lei vok kuang tung
A neih 'diem peuh tawh a zi lei a, a vok an piak ding om non lo ahih man a kuang la khia in tung cih na.
Zi ma nuam in "Na keu tawi diaiduai" ci
Mawh na ding zong cih na.
Zi neih baih lam samh, zi neih hak khang samh
Zi neih baih pen neih leh lam zon na ki bah a, zi neih hak suan leh khik ki ta sam ahih man a hun theih siam ding deih na.
Zi nung inn luah om ngei lo
Zo ngei na ah zi khuai ta a zi nung tawh inn tuan hi. Hau Cin Khup zong zi nung tawh inn tuan a, zi ma ta Pum Za Mang in inn luah ta vuan ngei na tawh a pa a sih in a inn pi pan sial zakhat tawh vui a, Zo ngei na hoih tak in leen in a nau to tawh vai hawm khawm hi.
Zi thak sih leh zabeel tap
Zabeel tap pen ki sam mahmah a hih man-in, a thak zon kul a, zi zong kisam ahih man a thak zon kul cih na hi.
Zing guah zu leh mak thak si
Zing guah zu zong nuam het lo na pi hong pha kik a, mak thak si zong ki dah na pi mak clang ki nei in ki mang ngilh lel cih na.
Zo gum khawl a khawl
Nek leh dawn nei lo pi mah in khawl khawm thei cih na.
Zo in ciang khut a sat leh sat khat
Ki eng cih na.
Zo nui leh kawl nui
Pau ki thei lo na pi Zo pa a nuih leh khat na nui pong hi. Pau ki thei lo na ngawn khat in maitai leng a khat zong hong maitai cih na.
Zu a lup, sa a go in ne
Ih sep na bangin, hamphat na ki ngah cih na.
Zu a nawl, sa a nawl in ne
A mun a, a nai om zaw deuh te mah in ngah cih na hi.
Zu duh lo in zulup lo, saduh lo in sa go to
Duh loh pi neek loh pi ki zang lo cih na.
Zu hawm hampha, sahawm hamsia
Zu hawm te ki leh kik thei a, sahawm te ki leh cih om thei lo.
Zu hei in kua lui zuan
Pian na lui, khan khiat na lui kan kik na ah ki zang kam mal hi.
Zu hei tam lua in khak nei lo
Zu hei a hi zong zusa khat peuhpeuh in a kua yang sungah a ne thei gul leh, a lal sak thei sansip a lut loh na ding suang pim tawh kua khak a bawl hi. A mau nampih sansip in zuhei kua ah lut in a zun tha leh zuhei kua bup si khin thei hi. Nam khat phung khat hi na pi ki hua hi. Zu hei a tam luat ciang kua khak bawl lo thei hi. Khua leh gam sung mi a tam ciangin ki dal kholh na nei to in om thei a, siat na hong pai thei cih na hi.
Zu in a nai kap, sa in a lam tawn
Zu nek na ah a nai a om teng in nek ngei na bang in ki ne a, sa ahih leh a nai a om leh om loh thu hi lo in a lam tawn in ngei na bangin ki hawm cih na hi.
Zu kham sul
Zu kham te khial thei pha deuh in, kam Lung nun na in zukham sul hi ci a kam zat.
Zu leh va zong a gol sih pih
An nek ding thu pi pen a ki si pih Jiang cih na hi.
Zu nek in ngei na nei
Ki-it na tawh ki lup te bum na bang mah om lo hi cih na in, inn teek pa in sia masa in, kang khat bang tep masa hi. Zu min nei nek na ah siampi pa in zu phih masa hi. Tua khit ciangin zulep ding pa ki sawl a, a ma nek ma in a kiang a om khat ang khak masa hi. Tua khit ciangin a ma it tuam khat a nek sak khit ciangin zu lep pa in ne pan hi. Tua teng man khit ciang zu bawl te ki ap a, tangpi sungah ki hawm hi.
Zu sa tai zawh nung-a zawh ngeu khanglo
Ih mut na hang in hun lap to cih na.
Zu tel sa tel kinolh mawh
It na taktak a ki piate ki nolh ngei lo cih na. (Ama nek tang dawn tang neih tang a ki piate TEL ki ci hi. Ka tel hi a cih nak leh nolh ding ki lawm lo cih na)
Zu' leh va'n kei tawng ta
Bei mang, ki zom thei non lo cih na hi.
Zu'in va' in zong a nek tang
Leng lat na, an nek khop na ah nek khit phet ciah pah ki lawm lo cih na.
Zu'zong va'zong a nek laitak in dai
Bang zah in gam lum na mun ahi zongin an nek lai tak in dai cih na.
Zuang sing, tei phung ah po
Tagah te, lung zuang khua ngai te in a pu a pa khat peuh beel a nuntak na gen na.
Zuau in a khap tawn
Zuau gen pen hun khat ciang ki thei veve cih na.
Zum leh saili a si om lo
Mai zum na pen na mahmah sam napi ki si lo cih na.
Zum leh zual tuah
A zum a hiam tuah pen ki ci mawh, zual pen suang zual tuak te ci mawh cih na hi.
Zun leh ek teh ki bang
Thang huai lua a om te gen na .
Zupeeng nawng leh mang thu gen
Ki cian lo cih na.
Zupi kua, kawi kua in kawi
Thupi kawi kua in kawi.
Zusa cing ding zawh ngeu muan huai lo
Gal te inn cing a ki zang ngei lo cih na.
Zutang lak a sim beng veih peek
Zu ne lo te lak ah zu kham thu gen leh u lian te mai a nau pang khat in thu hilh pen a ki thusim loh ding dan gen na hi.